[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Sobra 100 ka pamilya nagbakwit bangod sa baha ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Bangod sang pagbubo sang ulan sa syudad halin sang Sabado tubtob kahapon nga nagtuga sang pagbaha, naglab-ot na sa 157 ka mga pamilya ukon 492 ka mga tawo gikan sa 11 ka mga barangay ang nagbiya sa ila mga balay, sandig sa pinaka-ulihi nga data alas-sais kagab-i.
Antes ini, base sa inisyal nga datus sang Iloilo City Operations Center nga gintukod sang syudad para magbantay sa pagtaas sang tubig sa palibot sang syudad, walo pa lang ka mga pamilya ang ginbakwit sa Brgy. Balabago, pito sa Brgy. Tagbak, isa sa Brgy. Desamparados, lima sa Brgy. Cuartero, kag 28 sa Brgy. Calubihan, tanan distrito sang Jaro.
Mismo si acting Mayor Jose Espinosa III ang nagmando sang forced evacuation sa Brgy. Calubihan matapos nga nagtaas ang tubig sa Dungon creek.
Samtang, naglab-ot naman sa 23 ka mga pamilya ukon 127 ka mga indibidwal ang ginbakwit sa Sitio Sapa, Pueblo Concepcion, Barangay Navais, distrito sang Mandurriao pasado alas-tres sa hapon kahapon.
Sa East Baluarte, Molo naman, may mga pamilya na nga nagbakwit bangod man sang pagbaha. Base sa rekord sang barangay, yara na sa 19 ka mga pamilya ang apektado sang pagbaha.
Ang mga nagbalakwit nga mga residente temporaryo nga nagtinir sa ila day care centers, covered gym kag barangay hall.
Bangod sini, ginahinyo sang pangulohan sang syudad ang mga residente nga naga-istar sa higad sang suba ukon mga lugar nga makabig flood prone areas nga mag-aligmat kag kon mahimu magbiya na gilayon sa ila balay para malikawan nga mabahaan./PB
[/av_textblock]
[/av_one_full]