[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Suba sa Lambunao nga nag-viral, butangan taytay’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 26, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Bangod sang pag-viral sang video sang mga estudyante nga nagatabuk sa suba kada adlaw para lang makapadulong sa eskwelahan sa Barangay San Gregorio, Lambunao, Iloilo, gilayon nga nag-akto ang gobyerno probinsyal sang Iloilo para mabutangan ini sang hanging bridge.
Ginhambal ni Gob. Arthur Defensor Sr. kahapon nga gin-aprubahan niya sang Miyerkoles ang counterpart sang probinsya nga P3 milyon para madayun ang pagtukod sang KALAHI CIDSS sang hanging bridge sa suba para may latayan ang mga estudyante.
“Gin-aprubahan ko kahapon ang counterpart sa KALAHI CIDDS. Ang suba nga ina butangan sang hanging bridge,” kumpirmasyon ni Defensor.
Ginabanta sang gobernador nga P20 milyon ang pundo para mabutangan sang hanging bridge ang suba nga ginalauman matapos ang pag-obra sa sini nga Marso.
Nahibaluan nga ginbutangan na sadto sang gobyerno probinsyal kag lokal nga pangulohan sang Lambunao sang bailey bridge ang suba pero gina-ab-ab sang tubig ang suba rason nga nagkabos ang taytay kag indi makasakop sa bilog nga suba.
Bangod sini, nagalusong sa suba ang mga estudyante kada adlaw para lang makapadulong sa eskwelahan.
Nahibaluan nga ini lang ang alagyan pakadto sa eskwelahan rason nga naga-antus ang mga estudyante kag pumuluyo sa paglusong sa tubig.
Ang manunudlo nga si Joycel Lastimoso Moquite ang nagkuha sang video sang damlag lang kag gin-post sa Facebook.
Base sa post ni Moquite nga duha na ka tuig nga nagatudlo sa eskwelahan, kinahanglan nila nga maglusong sa tubig para lang makalab-ot sa San Gregorio.
Dugang sini nga nagabalon sila sang ila extra nga panapton para maka-ilis sila kon mabasa. Kag kon maglain naman ang panahon, nagahulat sila sang apat ka oras para magpanaog ang tubig antes sila makatabuk./PB
[/av_textblock]
[/av_one_full]