[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’SUV VS KAHOY: DENTISTA PATAY ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang dentista samtang pilason naman ang iya bana nga seaman matapos nga nakabunggo ang ila ginasakyan nga sport utility vehicle (SUV) sa puno sang narra sa atubang sang patyo sa Barangay Ilaud Poblacion, Calinog, Iloilo pasado ala-una sang kaagahon kahapon.
Dead-on-arrival sa Dr. Ricardo S. Provido Sr. Memorial District Hospital sa Calinog si Dr. Gladys Celiz-Montinola, 38, kag residente sang Brgy. Dalid, Calinog. Naligaran pa sang tatlo ka oras antes sia nakuha sa driver’s seat.
Nakaagom ini sang patal nga pilas sa ulo matapos nga nakabunggo sa bintana sang Ford Everest.
“Naipit ang driver then nag-awas ang lawas sa bintana kag nagbunggo ulo nga amo na ang nagtuga sang iya kamatayon,” hambal ni SPO4 Nilo Campos, deputy sang Calinog PNP.
Ang bana naman sang dentista nga si Filbert Montinola, 40, natigayon nga maluwas sang kapulisan. Nakaagom ini sang mga pilas sa tuo nga tiil, dughan kag iban pa nga bahin sang lawas kag gindala sa West Visayas State University Medical Center.
Nahibaluan nga nagapungko sa backseat sang Ford Everest nga may plate number AAR 5307 ang bana sang nagluntad ang aksidente.
Sa imbestigasyon sang Calinog PNP, naga-usoy sang dalan padulong sa direksyon sang Syudad sang Passi ang mag-asawa kag posible nga madasig ang pagpadalagan ni Celiz-Montinola rason nga nag-overshoot sa karsada nga medyo kurbadahon kag nagdiretso sa kahoy.
“On the way sila sa Passi nga road. Dasig guro ang padalagan probably nag-overshoot sa karsada nga slightly curve na sia. Nagbunggo ang salakyan sa narra. Kag nagtuga sang gilayon nga kamatayon ni Gladys kag pagkasamad sang iya bana,” eksplikar pa ni Campos.
Nahibaluan pa nga nagsulod gid sa tunga sang mga puno sang narra kag mahogany ang SUV rason nga wasak gid ang salakyan.
Nakabaton man sang impormasyon ang Calinog PNP nga mapadulong kontani sa Brgy. Giso, Calinog ang mag-asawa para magtambong sang alumni activity bangod nga pista sa lugar sang nagluntad ang aksidente./PB
[/av_textblock]
[/av_one_full]
