[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Tanod nadakpan asawa ginabrutsa sang manog-ice cream’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=’custom’ color=’#0a0a0a’]
Monday, February 20, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Halos makipot na ang mga mata, masako na ang pagpanguy-ab bangod sang katuyo. Bilog nga gab-i nga nagaronda sa barangay si alyas Bob bilang tanod sa isa ka barangay sa distrito sang Molo. Nagasamo ang huni sang huyop sang mabugnaw nga hangin sa kaagahon sa iya mga tikang kag hangos samtang nagapasulod sa ila balay.
Siling ni Bob sa kaugalingon, “Hay, makapahuway na gid man ako. Grabe na gid ang kakapoy ko kag katuyo.”
Malinong ang ila balay. Gintulod niya sang mahinay ang puerta agud indi makibot ang ginalauman nga nagakatulog nga asawa. Diretso sia sa ila hulot sa tuyo nga mahulid sa asawa nga si alyas Baby. Apang sa iya kakibot, may nagasalom sa idalom sang iya asawa!
“Pagsulod ko sa kwarto, nakita ko ang akon asawa nga ginasalom sang lalaki. Ara ang lalaki sa ibabaw sang akon asawa nga naka-duster nga nagahigda. Nagpalangligbos gid ang akon balahibo sa nakita ko,” panaysayon ni Bob sa interbyu sang isa ka waragwagan sang radyo.
Bangod sini, ginpadakop niya ang asawa kag ang ginatudlo nga kerido nga si alyas Barok, 40.
Priso naman karon sa karsel sang Molo PNP ang babae kag ang gina-alegar kerido sini bangod desidido si Bob nga magpasaka sang kaso kontra sa ila./PB
[/av_textblock]
[/av_one_full]
