[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Testigo sa pagpatay kag pangawat ginpatay’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Thursday, January 26, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Ginpatay ang mabakud nga testigo batok sa duha ka pulis sa Hacienda Carmen, Barangay Granada diri kahapon sang kaagahon.
Nakita ang bangkay ni Byron Bacaro, legal ang edad kag taga-Alunan Baybay, Brgy. 35 sa sining syudad, nga may apat ka igu sa ulo kag lawas tuga sang pagtiro.
Sunu kay Chief Inspector Sherlock Gabana, hepe sang Police Station 5, mga alas-otso ang takna sang Martes anag gab-i may nabatian nga linupok sa Brgy. Granada.
Nahibaluan nga si Bacaro amo ang nagatindog nga testigo sang pagpatay sa gwardiya kag anak sang tag-iya sang JDS Mindoro Enterprise Corporation sa ginsang-an sang kalye Luzuriaga kag Locsin sa Brgy. 13 sadtong Disyembre 25, 2016.
kag pagkapilas sang tatlo pa gid ka Chinese nationals.
Sa iya ginlagdaan nga affidavit, gintudlo ni Bacaro ang ginpahalin nga pulis nga si Jason Cartel Sumalangcay sang Charito Heights, Brgy. Granada kag ang aktibo nga pulis nga si PO2 Marlon Alayon Famucol sang Regent Pearl Homes, Brgy. Alijis, kag tatlo ka iban pa nga wala nakilala nga may labot sa krimen.
Apang sining karon lamang ginhambal ni Bacaro nga iya ginabawi ang iya pahayag sa pagtudlo sa mga suspek sa rason nga ginpahog sia sang mga ini kag wala gintuman sang mga pulis ang promisa nga hatagan sia sang P100,000 lamang sa pagtestigo.
Sunu pa kay Bacaro, ginsuholan sia nanday Supt. Luisito Acebuche, naka-agi hepe sang Police Station 1 kag hepe na karon sang BTAO kag ni Senior Inspector Eugene Tolentino, karon hepe sang Police Station 1. Apang ginpanginwala ini sang duha ka opisyal sang pulis.
Matandaan nga napatay ang gwardiya nga si Jilbert Sabanal Mayang, 40, kag tumandok sang Brgy. Talacagay, Hinobaan, Negros Occidental, kag ang anak sang tag-iya sang baligyaan nga si Changle Wu alyas Alok.
Kapin P1 milyon nga benta ang nakuha sadto sang naga-isahanon nga suspek nga nagsulod sa baligyaan./PB
[/av_textblock]
[/av_one_full]
