[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’TOKHANG DROP BOX DELIKADO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Indi pabor si Gobernador Arthur Defensor Sr. sang probinsya sang Iloilo sa pagbutang sang Tokhang drop box sang Department of Interior and Local Government (DILG) sa mga kabarangayan.
Nagapati si Defensor nga delikado nga bagay kon padayunon sang DILG ang pagbutang sang Tokhang drop box para mahulogan sang mga pumoluyo sang pangalan sang gina-alegar mga durogista kag kriminal sa ila barangay.
Dugang niya nga mahimu gamiton ang drop box sa politika kag kon may isyu ang pamilya sa panublion, mahimu nga butang-butangan ukon mapasibangdan nga na-angut ang iya kontra nga isa ka drug addict ukon drug pusher.
“Ka-delikado sina nga obra. Madamo sang mabutang-butang da. Kon kontrahanay kamo sa politika ukon mag-inaway kamo sa inherinsya niyo, i-report ka timo nga drug addict ukon drug pusher,” hambal ni Defensor.
Para man sa gobernador mas mahapos nga himu-himuan sang akusasyon ukon reklamo ang isa ka inosente nga tawo kag mahimu nga masaskohan sang iya kontra kag ibutang ang indi matuod nga impormasyon sa papel nga ihulog sa drop box.
Nahibaluan nga ang plano sang DILG nga pagbutang sang Tokhang drop box sa kabarangayan may tuyo nga mabuligan ang kampanya sang gobyerno kontra sa ilegal nga droga./PB
[/av_textblock]
[/av_one_full]
