[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ TRABAHADOR GINHATOK-HATOK BUNU ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginbawian sang kabuhi ang trabahador matapos nga ginhatok-hatok bunu sa Barangay Poblacion, Belison, Antique alas-3:35 sang kaagahon kahapon.
Madamo nga mga pilas sa nagkalain-lain nga bahin sang lawas ang naangkon ni Diego Pablo y Modesto, 28, soltero ka residente sang Brgy. Malandong, Hamtic, Antique. Gindeklarar sia nga dead-on-arrival sa Angel Salazar Memorial General Hospital sa San Jose, Antique.
Ginatudlo naman nga suspetsado si alyas Tibor nga padayun pa nga gina-ayam sang kapulisan.
Sandig sa inisyal nga imbestigasyon sang Belison Police Station, magkaupod man lang nga naga-inom ang biktima kag suspek sa isa ka ilimnan sang nagluntad ang pagbaisay nga nagresulta sa pagkapikon sang suspek rason nga nagkuha sang patalom kag ginbunu ang biktima.
Gina-alegar pa nga wala gid makapanagang ang biktima bangod sa kaabtik sang hitabu nga ginkakibot man sang mga kaupdanan nila sa ilimnan.
Tubtob ginasulat ining balita, padayun pa ang hot-pursuit operation sang kapulisan batok sa suspek./PB
*****
[/av_textblock]
[/av_one_full]