[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’TRAYSIKOL DRAYBER NASAPWAN PATAY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Saturday, June 10, 2017
[/av_textblock]
[av_image src=’http://www.panaynews.net/wp-content/uploads/2017/06/front-pic2.jpg’ attachment=’108483′ attachment_size=’full’ align=’center’ styling=” hover=” link=” target=” caption=’yes’ font_size=” appearance=’on-hover’ overlay_opacity=’0.4′ overlay_color=’#000000′ overlay_text_color=’#ffffff’ animation=’no-animation’]
NAGA-BARIKUTOT, nakabaklid ang magtimbang nga kamot gamit ang packing tape kag may tabon ang nawong kag ulo sang packing tape sang nasapwan ining si Joseph Bahandi sa kahilamonan sa access road sang floodway sa Barangay Buhang, Jaro, Syudad sang Iloilo mga alas-sais sang aga kahapon. (Laragway ni Ian Paul Cordero)/PB
[/av_image]
[av_textblock size=” font_color=” color=”]
Syudad sang ILOILO – Patay na sang nasapwan ang traysikol drayber nga ginapahayag biktima sang summary execution sa kahilamonan sa floodway sa access road sa Barangay Buhang, Jaro diri mga alas-sais sang aga kahapon.
Ginkilala ang biktima nga si Joseph Bahandi y Catalan, 30, soltero kag residente sang Brgy. Cochero, distrito sang Molo kag naga-obra bilang drayber sang traysikol ni Reynaldo Noquera sang Molo.
Nakaagom sang mga pilas tuga sang pagkatiro sa magtimbang nga abaga, liog kag iban pa nga bahin sang lawas si Bahandi.
Sandig sa imbestigasyon sang Jaro PNP, una nga nakit-an sang sikyu nga si Elmer Toledo sang Brgy. Salngan, Oton, Iloilo ang wala nakalupok nga bala sang kalibre .45 nga pusil, isa ka basiyo sang 12 gauge shotgun kag isa ka pares sang tsinelas sa higad sang karsada rason nga nagduda ini. Gani nga ginsekyar dayon niya ang kahilamonan tubtob nga nakit-an ang biktima nga wala na sang kabuhi nga naga-barikutot, nakabaklid ang magtimbang nga kamot gamit ang packing tape kag may tabon ang nawong kag ulo sang packing tape.
Nakuha naman sang mga otoridad sa paghinakop sang biktima sang 11 ka mga plastic sachets sang ginapatihan shabu.
Sa pag-imbestigar sang Jaro PNP kaupod ang Scene of the Crime Operatives, nag-gwa nga may mga tinulo pa sang dugo sa ginahigdaan sang biktima, senyales nga posible ginpatay ini mismo sa lugar.
Ginpahayag pa ni Toledo nga mga takna alas-dos sang kaagahon kahapon, nakabati sia sang asud-asod nga lupok pero wala man sini ginsapak tubtob nga nasapwan niya ang biktima sang nagpatrolya sia sang nagsanag na.
Ulihi naman nga nakita nga buhi ang biktima sang Huwebes sang gab-i matapos nga nagbiyahe ini sang traysikol.
Nag-gwa man sa imbestigasyon sang Jaro PNP nga nagsungka ini sadto sa Oplan Tokhang sang Molo PNP kag may kaso man ini nga homicide.
Pero tubtob ginasulat ining balita, padayun pa ang maid-id nga imbestigasyon sang kapulisan sa krimen para makilala ang nagpatay sa biktima./PB
[/av_textblock]
[/av_one_full]
