[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Uhaw ang mga politiko’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 3, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
UHAW ang mga politico. Uhaw sila sang pagkilala. Uhaw sang tanan na lang para sa kaugalingon nga kapuslanan.
Nangin kontrobersya ang bag-o lang natapos nga 50th Dinagyang Festival bangud nga wala kuno na-acknowledge sang husto si Vice Mayor Jeffrey Ganzon. Siling nya daw hungod gid kag as if may nagadikta sa mga MC agud indi sya pag-acknowledge. May painsulto pa sya gani nga hambal nga “You cannot buy breeding.”
Sa nakaligad nga programa sang 50th Dinagyang Festival, tuman gid ka damo sang mga politiko. Sa ila sobra nga ka damo na-delay pa gani ang programa. Kag sa matuod lang masabad pa sila sa Freedom Grandstand. Kun isa-isahon sila sang lawag, mas malaba pa ang listahan siguro sang sa speech sang isa ka humalambal.
Pero pila gid bala ka beses i-acknowledge ang isa ka politiko sa isa ka programa? May ara bala ini gintalana nga numero kun makapila gid lawagon ang ngalan sang politiko? Ngaa may iban nga nagasolobra ang lawag samtang may iban man nga ginakalipatan?
Indi gid man abi malikawan nga ipulitika ang isa ka hilikuton basta politiko ang nagapatikang. Halimbawa gid diri ang programa sa nakaligad nga Dinagyang. Sa pagkalawig sang lawagay sang ngalan sang mga politiko. Makatalaka pamati-an ang mga ngalan sang politiko nga wala man sang kontribusyon sa kahiwatan kundi ang pagpakilala sang ila kaugalingon. Nagtambong sila indi agud maghatag duag sa kahiwatan. Nagtambong sila agud magpahumot sang ila ngalan kag mapaayo pa gid ang ila pamulitika.
Wala gid man ayhan nahatagan sang husto nga mileage si VM Ganzon? Kulang gid man ang pag acknowledge sa iya? Ginpolitika gid man ayhan sya? Ukon sya lang ang nakulangan kay gusto nya equal mileage man sa alkalde sang syudad?
May nagsugo gid man ayhan nga indi sya paghatagan sang husto nga pagkilala? Indi man kita sini makasabat kay kun ano man ang nagakawas nga baba sang mga natungdan, indi man kita makasalig nga ini tanan kamatuuran.
Ang atun lang mapanugyan, indi mag tuman gid nga sensitibo ang politiko. Kag sa administrasyon, indi man magdinalok sa pag-acknowledge sang kaangay nga politiko nga ara sa pihak nga kudal.
Tandaan ta nga “You cannot buy breeding” kuno.
Ang pamangkot sin-o ang wala breeding? (jpranco1975@gmail.com/PN)
[/av_textblock]
[/av_one_full]
