[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Wala ‘fake rice’ sa Rehiyon 6 ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Wednesday, June 21, 2017
[/av_textblock]
[av_textblock size=” font_color=” color=”]
Syudad sang ILOILO – Ginhimutig sang National Food Authority (NFA) 6 nga may nabaton sila nga report nga may ginabaligya nga peke nga bugas ukon “fake rice” sa Rehiyon 6.
Sunu kay Director Rex Estoperez sang NFA 6, ginkumpirmar sang ila central office nga wala sang peke nga bugas nga nagalibot ukon ginabaligya sa rehiyon subongman sa bug-os nga pungsod, sandig man sa pahayag gikan sa laboratoryo sang Food Development Center sang PhilRice.
Mga espekulasyon lamang ang nagalapta nga may peke nga bugas nga nakasulod sa pungsod para maguba ang industriya sang palay diri.
Angut sini, nagpanugyan ang NFA 6 sa publiko nga kon nagaduda nga nakabakal sang peke nga bugas, magdala lang sang sample sa ila opisina para masekyar.
Una nga nag-gwa ang isyu sang peke nga bugas sang nakarekober ang mga otoridad sang ginapasuni peke nga bugas sa Metro Manila sang Domingo.
Sa pihak nga bahin, nagpasalig ang NFA 6 nga tubtob sa bulan sang Agusto ang buffer stock sang bugas para sa rehiyon bangod sang maayo nga produksyon sang palay sa isla sang Panay nga nagasakop sa mga probinsya sang Antique, Aklan, Capiz, kag Iloilo.
Sa bahin sang isla sang Negros, nakadepende ini sa surplus sang produksyon sang palay gikan sa Panay.
Padayun man ang pag-galing sang NFA 6 sang ila ginabakal nga humay para makadugang sa buffer stock./PB
[/av_textblock]
[/av_one_full]
