[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’WALA FIRECRACKERS BAN Mayor Espinosa ginapasugtan pagpalupok gagmay nga firecrackers, pyrotechnics sa Syudad sang Iloilo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Joel Franco
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Indi magpatuman sang firecracker ban si Mayor Jose Espinosa III sa sining syudad.
Sunu sa alkalde, pahanugotan niya ang pagpalupok sang mga magagmay lang nga firecrackers kag pyrotechnics. Ginpaathag man niya nga indi man total ban ang napagkit sa Executive Order (EO) No. 28 ni Presidente Rodrigo Duterte kundi naga-regulate kag nagakontrol lamang sang paggamit sang mga palupok.
“Indi naton pagsundon ang iban nga syudad nga nag-declare sang total firecracker ban kay isa man ini ka tradisyon sang syudad nga magpalupok. Maga-comply kita sa order as clarified nga puede iya makapalupok provided sundon lang ang kadakuon,” paathag ni Espinosa.
Sa idalom sang Republic Act (RA) 7183 ukon ang kasugoan sa firecrackers kag pyrotechnic devices, ilegal ang mga palupok nga masobra sa 0.2 grams ukon 1.3 ka kutsara nga pulbura ang unod.
Ginpanugyanan dayon ni Espinosa ang publiko nga maghalong nga indi makatuga sang halit kaangay sang sunog sa ila mga kaingod. Partikular nga ginapahalong sang alkalde ang publiko sa paggamit sang luces bangod posible ini umpisahan sang kalayo kon makatupa sa pamalay.
Samtang, ginpaandaman ni Espinosa ang mga nagabaligya nga indi magbaligya sang mga ilegal nga palupok. Pahayag pa sini nga mahimu mapauntat ang tanan sa pagbaligya kon may makita nga bisan isa lang sa ila kaupod nga nagabaligya sang ilegal nga palupok.
“Kinahanglan ang aton manugbaligya mag-comply nga indi magbaligya (sang ilegal nga palupok) kay kon madakpan, ipasira naton dayon ang nagabaligya sang ilegal nga palupok kay ang Malakanyang nagahambal nga gagmay lang nga palupok ang pasugtan… ma-comply lang kita. So, ang mga naga-manufacture kag nagabaligya dira mag-comply man otherwise kon makita naton nga madamo ang nagabaligya, kanselahan naton ang lisensya sang tanan sa isa ka area kay duha man lang na ang lugar,” paandam ni Espinosa.
Sa EO naman ni Espinosa, gindesignar sini ang circumferential road sa Jocson Drive sa Arevalo kag circumferential road sa corner sang Ondoy’s Restaurant nga amo lamang ang puede mabaligyaan sang mga palupok./PB
[/av_textblock]
[/av_one_full]