[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
NI ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
NAGABIKA NGA PANINDUGAN
Paano makatindog ang bangkito kon ang tiil wala nagatupong, kon ang tiil kulang kag kon ang tiil malayo ang antad sa isa ka tiil ukon indi balanse.
Kaangay sa sini nga sitwasyon ang nagakatabu sa gobyerno sang syudad batok sa ila kuno kawsa nga pagpamalabag sa franchise renewal sang Panay Electric Company, Inc.
Magapadulong bwas sa Manila agud nga magtambong sa committee hearing sang House of Representatives si Mayor Jose Espinosa III santu sa imbitasyon nga ginpadala sa iya. Ginsiling sini nga magahimu sia sang panindugan para lang sa executive branch sang city government kag indi niya pagdal-on ang tuhay nga panindugan sang konseho sang syudad nga una na nga nagpasar sang resolusyon nga lubos nga nagapamalabag sa franchise renewal sang PECO.
Magatambong man si Councilor Joshua Alim nga amo ang nagapanguna sa pag-adbokasiya nga indi na pagtugotan ang PECO nga maka-renew sang iya prangkisa, paga-updan sia ni Councilor Plaridel Nava nga amo ang iya katimbang sa sini nga kawsa.
Una na nga nagpahayag ang iban nga mga konsehal sang syudad nga maga-upod man kag magatambong apang mahimu lamang makumpirmar ang ila pahayag kon makita na didto ang ila nga presensya bangod mismo si Councilor Alim ang nagaduda sa pahayag sang iban sini nga kaupdanan sa konseho.
Isa lang ka lugar ang ila pagapadulongan, isa lang ka syudad ang ila ginhalinan, kag isa lang ka rason kon ngaa sila ang magatambong. May kinatuhay lang sila sa ginatindugan nga direksyon.
Ang alkalde sang syudad wala sang may nakita nga problema sa serbisyo sang PECO, wala sia naga-kwestiyon sa ila performance, kag makabig nga kumporme sia sa sahi sang serbisyo nga ginadul-ong sang PECO sa mga konsumidor sini sa syudad sang Iloilo.
Sa pihak nga bahin, magapanindugan naman sanday Alim kag Nava kag sa iban pa nga indi maayo ang serbisyo sang PECO, may nagakatabu nga overbilling, masami ang pagluntad sang brownout, mga arogante ang ila mga tinawo, kag wala nagaatipan sa mga nagahilay nga poste, sa nagalaylay nga mga kable kag iban pa nga kasaypanan kag indi maayo nga pagserbisyo sa mga pumuluyo. Magapahayag sila sang ila rason kon ngaa dapat indi na pagtugotan ang PECO nga maka-renew sang ila prangkisa para sa masunod pa gid nga 25 ka tuig.
Bisan mismo sa sulod sang konseho, may yara sang pagsalangisag sa ila panindugan, may nagulpihan kag may nakamarasmas, may nagasunod sa ilig, may nagakasablay sa kilid.
Sa tunga sang ila kinaburigal, sa indi nila pag-isa, sa wala sang tul-id nga direksyon kag paghili-ugyon, paano na ang mga konsumidor sang PECO?
Paano sila makapanindugan kon nagasipak ang ila banas? Sa diin padulong ang syudad sang Iloilo sa isyu sa PECO kon ang iban nagapawala kag ang iban nagapatuo?
Paano nila mapasabat ang PECO sa mga konsumidor kon sila mismo ang wala sang maathag nga sabat para sa tawo.
Liwat bala nga malumos ang kawsa sa nagaanaw nga kwarta?
Sin-o ang magaagunto kag sin-o namn ang magaalgo sa nagabika nga panindugan?/PB
[/av_textblock]
[/av_one_full]
