[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sakada ginbunu-patay sa Negros ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=’18’ font_color=” color=”]
Syudad sang BACOLOD – Patay ang sakada matapos ginbunu sang iya man lamang mga upod mga alas-4:30 ang takna sa aga sang Domingo sa Hacienda Guza sakop sang Barangay Matab-ang sa Syudad sang Talisay, Negros Occidental.
Ginkilala ni Superintendent Adonis Rosales, OIC sang Talisay City PNP, ang biktima nga si Joemar Olalio, 25, soltero kag naga-istar sa Brgy. Barangay Bawang, San Remegio, Antique.
Naka-angkon ini sang madmo nga mga pilas tuga sang pagbunu kag gindala pa sa Talisay City Helath Center apang ginlawag patay antes pa mag-abot didto.
Nakilala naman ang mga suspek nga sanday Michael Maguad Sinoy, 29, kag tumandok sang Brgy. Valderama, Bugasong, Antique, kag Jun-Jun Aldeguer Alejo, 27, soltero, sang Brgy. Bawang, San Remegio, Antique.
Sunu sa imbestigasyon sang kapulisan, nagakatulog na ang biktima sang ginsulod sang mga suspek kag ginbunu.
Sang temprano pa sini, naga-inom ang duha ka suspek nga sanday Sinoy kag Alejo apang nagluntad ang pagbaisay sa diin ginsumbag ni Sinoy ang naulihi.
Nagbalos si Alejo kag ginlamposan si Sinoy nga naghunos naman sang patalom rason sang pagdalagan sang nauna pasulod sa kampo.
Sang ulihi, naglakat na si Sinoy kag nagsulod sa ila kuwartel kag didto naabtan sia nga nagakatulog sang mga suspek kag ginbunu.
Na-aresto naman sang mga pulis ang mga suspek kag priso na sa Talisay City PNP./PB
[/av_textblock]
[/av_one_full]
