[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’San Carlos port eksido nga ginabantayan sang PCG’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
By Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Monday, January 16, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Matapos mabalahuba nga ang pantalan sa Syudad sang San Carlos, Negros Occidental amo ang gina-agyan sang ilegal nga droga gikan sa Mindanao, ang Philippine Coast Guard (PCG) maga-eksido sa pagpaniktik sang puerto agud ma-upangan ang pagsulod sini.
Sunu kay Lieutenant Senior Grade Jimmy Oliver Vingno, commander sang PCG sa Bacolod, magabutang sila sang duha ka K-9 nga mga ido sa puerto.
Madumdoman nga sang nadakpan ang ginakabig No. 1 nga magnogpaligis sang ginapasuni shabu sa Negros Occidental nga si Ricky Sereño sa Syudad sang Talisay sang nagligad nga semana, ginhabal sini kon diin nagahalin ang ginabaligya nila nga shabu sa idalom sang Beria Group sa pagpamuno ni Beria Tolentino.
Ginpahayag ni Sereño nga nagalusot ang ilegal nga droga sa Syudad sang San Carlos paagi sa pagpalusot karga sa mga trucking nga nagakarga sang goma kag iban pa nga kargamneto gikan sa Mindanao. Dugang pa niya nga ang shabu gikan sa Syudad sang Marawi.
Antes ini, ginhambal na ni Sereño nga 15 ka kilo ang ginapadala sa ila kag makabaligya sila isa ka kilo sa isa ka bulan kag ginabaligya nila ang kilo sa tag-P2 milyon halin sa bakal nila sini sa P1.2 milyon.
Sa karon naman, si Sereño yara sa kustodiya sang alkalde sang banwa sang Pulupandan nga si Mayor Miguel Peña, anak sang anay mayor man sang amo nga banwa nga si Atty. Magdaleno Peña nga consultant karon sang Philippine Drug Enforcement Agency./PB
[/av_textblock]
[/av_one_full]
