[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’1 patay bangod sa gahod sang karaoke ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Bangod sa gahod sang karaoke, nabun-an kag napatay ang isa ka lalaki sa Purok Kromer, Barangay Ubay, Pulupandan, Negros Occidental mga alas-9:30 sa gab-i sang Miyerkoles.
Ginkilala ang biktima nga si Gerarrd Magdalera Melliso, 34, kag naga-istar man sa amo nga duog.
Ang ginatudlo nga suspek amo sanday Cyril Raponte Perolino, 19, iya magulang nga si Argie, 22, kag pakaisa nga si Ronilo Raponte, 22, tanan residente sang amo nga barangay.
Sunu kay Senior Inspector Alfred De Leon, hepe sang Pulupandan PNP, may bunyag sang aga sa amo nga duog kag asta gab-i ang ila kinasadya samtang naga-ininom.
Sang ulihi, hinali nga ginpatunog ni Melliso ang iya karaoke rason nga ginsaway sia ni C. Raponte. Apang ginsumbag pa sa guya sang biktima ang naulihi.
Nagpauli dayon si Cyril kag nagkuha sang sanggot kag sa iya pagbalik, ginlabu niya sa liog ang biktima nga patay na sang mag-abot sa Bago City Hospital.
Sa follow-up operation sang kapulisan, nadakpan ang suspek mga alas-cinco ang takna sa kaagahon sang Miyerkoles kag gindakop man mga alas-10 sa aga sang amo man nga adlaw si R. Raponte. Priso na sila karon sa Pulupandan PNP./PB
[/av_textblock]
[/av_one_full]
