[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’LALAKI GINTIRO SA ULO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang isa ka lalaki matapos nga gintiro sa tuo nga bahin sang ulo sang naga-isahanon nga suspek malapit sa opisina sang Land Transportation Office (LTO) 6 sa MacArthur Drive, Brgy. Quintin Salas, Jaro alas-10:30 sang aga kahapon.
Alas-4:05 sang hapon kahapon sang ginbawian sang kabuhi sa West Visayas State University Medical Center ang biktima nga si Rudy Parojinog, 29, residente sang Brgy. MH Del Pilar, Jaro kag naga-obra bilang stencil boy sa Brgy. Quintin Salas.
“Status ya subong nga ginakasubo ta gid nga tam-an gid ka kritikal kay ulo igu ya. Sa subong nagapitik pa man ang iya kurason,” una nga panaysayon ni Inspector Ronaldo Amihan, deputy sang Jaro Police Station.
Pero sa ulihi nga report, ginbawian na sang kabuhi si Parojinog bangod sang patal nga pilas sa ulo.
Nag-gwa naman sa imbestigasyon sang kapulisan nga nagatindog si Parojinog sa kilid sang dalan kag bag-o lang nakatapos sang stencil sang mga salakyan sang naglabay ang suspek nga naga-suksok sang half mask sakay sa motorsiklo kag gulpi lang sini nga gintiro gamit ang kalibre .45 nga pusil ang biktima.
“Sunu sa mga nagapang-stencil sa LTO, ara man sia sa higad sang dalan sang gintiro sang suspek. Daw gintiro lang gid dayon. Wala man gani sang komprontasyon eh. Gin-agyan lang kag gintiro lang gid,” dugang ni Amihan.
Duha karon ka anggulo ang ginasundan sang Jaro PNP sa pagtiro sa biktima nga amo ang ilegal nga droga kag daan nga hiligut-anon.
Ginhambal pa ni Amihan sa interbyu sang mga katapo sang media nga bisan wala sang kumpirmasyon nga naga-gamit sang ilegal nga droga ang biktima, wala nila ini ginadula nga anggulo.
Posible man nga daan nga hiligut-anon ang motibo bangod nga ginhungod gid nga tiruhon ang biktima bisan pa nga masanag ang adlaw.
Nagpalagyo man dayon ang suspek sang nakit-an nga nagahuray-ad na ang biktima./PB
[/av_textblock]
[/av_one_full]
