[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’12-anyos nga bata ginlasak sang trak’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang 12-anyos nga dalagita sang madalasa sang cargo truck nga nagakarga sang tubo samtang pilason naman ang duha niya ka upod sa Purok Balulan, Barangay Tabunan, Syudad sang Bago, Negros Occidental mga alas-cinco sang kaagahon kahapon.
Ginkilala ang napatay kay Angel Casidsid, naga-istar sa amo nga barangay. Ginpangdala naman sa ospital ang duha niya ka upod.
Sunu sa nakasaksi, nalasak ang biktima sang 10-wheeler cargo truck nga ginamaneho ni Jon Klaro, 63, sang Brgy. Tuguis, Hinigaran.
Sandig pa sa report, magadala kontani sang tubo sa Victorias Sugar Central ang trak nga ginreport ginapanag-iyahan ni anay provincial board member Angelito “Nonoy” Colmenares.
Natukiban naman nga hubog si Klaro nga iya man gin-aku pero ginpanginwala niya nga sia ang nakadalasa sa mga biktima.
Sunu sa iya, wala sia sang natalupangdan nga nadalasaan bisan hubog sia. Gindugang niya nga sia pa gani ginbunggoan sang isa man ka cargo truck nga gilayon nagapalagyo kag nasamad ang iya kilid sa driver’s seat.
Kag ining iya alegasyon ginpamatud-an man sang duha niya ka apo nga nag-upod sa iya nga nagapang-edaron siam kag 12 ka tuig. Ini man ang pahayag sang iya pakaisa nga nag-upod sa iya nga si Hernani Telano nga taga-Hinigaran.
Samtang, may isa ka traysikol nga gilayon nagtunda sa Police Station 9 sa Brgy. Sum-ag, Syudad sang Bacolod angut sa amo nga aksidente.
Sunu naman sa mga pulis, diutayan pa sila dalasa-on sang salakyan bangod naga-isi-isi ini. Ginlagas nila sang patrol car ang trak kag nalambot nila sa taytay sang Brgy. Sum-ag. Gilayon man nila nga gin-turnover sa Bago City PNP si Klaro./PB
[/av_textblock]
[/av_one_full][av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Durogista gintiro sang Pulis’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang isa sa duha ka high-value targets sa pagduso sang ilegal nga droga kag subjects sa warrant of arrest para sa kaso nga two counts of murder sa operasyon sang Criminal Investigation and Detection Group (CIDG) 6 sa Barangay Ticud, La Paz alas-3:34 sang hapon kahapon. Gindeklarar nga dead-on-arrival sa West Visayas Medical Center si Aslani Ansari alyas Boy nga nakaagom sang pilas sa lawas. Na-aresto naman ang upod sini nga si Alex Mapandi alyas Angari/Agie, 31. Sandig sa report halin kay Senior Supt. Marlon Tayaba, hepe sang CIDG-6, upod ang mga katapo sang Special Weapons And Tactics kag Iloilo City Police Office, plano nila nga i-serbe ang warrant of arrest para sa kaso nga two counts of murder kontra sa duha sang nagluntad ang insidente. Ginapasuni nga nagbatu si Ansari paagi sa pagtiro sa isa sa mga katapo sang CIDG-6 rason nga na-puersa ang mga otoridad nga magbalos kabangdanan sang iya kamatayon. Narekober naman sa paghinakop sang duha ang duha ka mga pusil kag pila ka plastic sachets sang ginapatihan shabu. Sa interbyu naman sang mga katapo sang media kay Senior Insp. Rey Sumagaysay, hepe sang La Paz PNP, sanday Ansari kag Mapandi ang ginatudlo mga suspek sa pagpatay paagi sa pagsunog sa isa ka Muslim nga nasapwan nga naputos sa plastic sa circumferential road sa Brgy. Balabago, Jaro sang tinalikdan nga bulan./H
[/av_textblock]
[/av_one_full]
