[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]

[/av_textblock]

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’PAGBALIGYA PALUPOK GINKONTROL Mayor Espinosa nagdesignar 2 lang ka lugar nga baligyaan sang palupok ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]

[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nagpagwa na kahapon sang executive order si Mayor Jose Espinosa III para magdesignar sang mga lugar sa syudad nga mahimu baligyaan sang mga palupok kag materyales sang pyrotechnics angut sa pagselebrar sang Paskwa kag bag-ong tuig.

Sa executive order (EO) No. 151, ang mga lugar lang nga mahimu baligyaan sang mga palupok amo ang:

* circumferential road 1 sa Dalan Jocson sa Brgy. San Jose, Arevalo, kag

* circumferential road sa corner sang Iloilo East Coast-Capiz sa Brgy. Buhang, Jaro.

Ginsunod ni Espinosa sa pag-isyu sang EO ang rekomendasyon ni Chief Insp. Bartolome Beliran, city fire marshal.

Tuyo sang mando sang alkalde nga ma-regulate ang pagbaligya sang mga palupok subong nga panahon sang Paskwa kag bag-ong tuig para malikawan nga makatuga sang halit sa publiko.

Ginapanugyan man ni Espinosa nga dapat sundon sang insakto sang mga manogbaligya ang nakasaad sa kasugoan angut sa pagbaligya sang mga palupok.

Subongman nagpaandam ang pangulohan sang syudad nga pangkumpiskaron ang mga palupok nga ginabaligya sa wala gindesignar nga lugar.

Kag sa katapusan, ginapahanumdom gid sa mga manogbaligya nga nadumilian ang pagpanigarilyo, pagluto, testing, kag pagbutang sang electrical outlets./PB
[/av_textblock]

[/av_one_full]