[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ 15 ka balay nasunog sa City Proper ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Matapos ang daku nga sunog sa Sitio Langka, Brgy. Benedicto, Jaro sadtong Sabado sang hapon, sunod naman nga nagluntad ang sunog sa Dela Rama Compound sa Barangay Melliza-Zamora, City Proper alas-10:51 sang Domingo sang gab-i.
Sandig sa datus sang Iloilo City – Bureau of Fire Protection (BFP), walo ka mga balay ang totally damaged samtang pito ang parsyal nga nahalitan.
Ang mga nagapanag-iya sang walo ka mga balay amo sanday Martin Mendoza nga gina-alegar ginhalinan sang kalayo, Jonnah Mae Gabayeron, Crisando Mendoza, Gina Nilmeda, Lemuel Felizario, Rodney Hormina, retirado nga pulis nga si Indico (abandonado), kag Edileo Espinosa.
Parsyal naman nga nahalitan ang mga balay nanday Roan Mae Gabayeron, Gurgend Vega, Yvory Del Mundo, Lore Suspeñe, Maria Luz Felizario, Manuel Bialen, kag pamilya Bornales.
Base sa pag-imbestigar ni City Fire Marshal Bartolome Beliran, ginapasuni nagsugod ang kalayo sa duha ka panalgan nga balay sang pamilya Mendoza nga human sa light materials kag madasig nga naglaton sa kaiping nga kabalayan.
Nadeklarar lang sang BFP nga fire out takna alas-11:53 sang gab-i kag nagbilin sang balor P200,000 nga halit ang sunog.
Ginatan-aw naman nga rason ni Beliran sa pag-ibwal sang kalayo amo ang mga nakasaksak nga kagamitan nga wala nakuha antes nagtulog sang pamilya Mendoza.
“Sa physical evidences it shows nga sa balay nga ginhalinan sang kalayo may mga electrical appliances,” siling ni Beliran.
Angut sini, gilayon man nga nagpadulong sa mga nasunogan si Mayor Jose Espinosa III para gilayon sila nga mahatagan sang bulig paagi sa City Disaster Risk Reduction Management Office. Ang may totally damaged nga mga balay makabaton sang tag-P5,000 samtang tag-P2,500 namna sa parsyal nga nahalitan./PB
[/av_textblock]
[/av_one_full]