[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ 15 ka pulis napilasan sa ambush, ginpasidunggan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginbisita ni Undersecretary Eduardo Año sang Department of Interior and Local Government (DILG) ang mga pulis nga napilasan sa nagluntad nga ambush sa Antique kag Iloilo sadtong nagligad nga semana.
Kaupod si Chief Supt. Cesar Hawthorne Binag, regional director sang Police Regional Office 6, ginpadulongan kahapon ni Año ang Iloilo Mission Hospital kag Iloilo Saint Paul’s Hospital para isab-it ang Medalya ng Sugatang Magiting sa nasambit nga mga pulis.
Ginhatagan man sang kasubong nga pagkilala ang iban pa nga mga pulis nga nakagwa na sa ospital matapos nga nasamaran sa ambush sa Brgy. Pis-anan, Sibalom, Antique kag Brgy. Bolo, Maasin, Iloilo.
Luwas sa medalya, ang 15 ka mga pulis nakabaton man sang tag-P100,000 nga balor sang tseke gikan sa presidential fund, P20,000 nga tseke gikan sa Public Safety Mutual Benefit Fund Inc., P10,000 nga cash gikan sa bulsa mismo ni Presidente Rodrigo Duterte, caliber .45 pistol, kag cellphone.
Sunu kay Año nga ang bulig-pinansyal nga ginhatag sang Philippine National Police kag sang presidente patimaan nga gina-ulikid sang gobyerno ang mga pulis nga nagapakig-away kontra sa mga katapo sang New People Army ukon NPA.
“Sa una isipin ninyo, ‘malas ko naman, wounded ako,’ hindi pala. Swerte pala. May mga battle na masasabi natin na blessing. Sa una akala mo, ‘bakit ako pa,’ yon pala buti na lang ako. Kita mo, sinong magsasabi na ang presidente maisipan kayo na bigyan ng malaking tulong,” hambal pa sang DILG Usec sa mga pulis nga yara pa sa ospital.
Nagpanugyan man si Año sa mga ini nga magpaayo para makabalik na sa trabaho kag makabalos sa NPA nga nag-ambush sa ila.
“Isa lang ang order ko sa inyo. Magpahinga kayo muna. Tapos balik sa duty. Babawi tayo ha,” dugang niya.
Antes man sini, nagkadto si Año sa haya ni PO1 Joeffel Odon sa Dalan San Agustin, Cabatuan para personal nga makig-unong kag magpalab-ot sang inisyal nga P250,000 nga balor sang tseke bilang bulig-pinansyal para sa pamilya sini gikan sa Presidential Fund, P180,688 nga tseke gikan sa Public Safety Mutual Benefit Fund Inc. kag P20,000 gikan sa personal nga kwarta ni Duterte.
Ginhatagan man sini sang Medalya ng Kadakilaan si Odon nga ginbaton sang iloy sini nga si Evelyn./PB
[/av_textblock]
[/av_one_full]