[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ 2 ka estudyante dakop sa drug bust ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nagkitkit sang malamig nga rehas sang Arevalo PNP ang duha ka estudyante nga natikma sa ginkasar nga drug bust operation sa Barangay Sto. Niño Sur, distrito sang Arevalo diri alas-2:30 sang hapon kahapon.
Sandig sa rekord sang Arevalo PNP, nabaklan sang poseur buyer sang Regional Drug Enforcement Unit 6 ang subject sa operasyon nga si Josen Michael Ronzales y Hobilla, 20, kag taga-Brgy. Poblacion, Jordan, Guimaras, sang balor P1,200 nga gina-alegar shabu sa boarding house ni Earl Bryan Dola, 19, kag tumandok sang Brgy. Sarawag, Janiuay, Iloilo.
Sang gintuyo na nga arestuhon si Ronzales, nagpamatok ini paagi sa pagsirado sang puertahan rason nga ginpuersa sang mga pulis nga mabuksan kag diri naman nakit-an si Dola nga nagasuyop sang ginapasuni shabu rason nga gin-aresto man.
Narekober pa sa paghinakop ni Ronzales ang dugang nga 16 ka mga heat-sealed plastic sachets sang ginapasuni shabu, marked money kag drug paraphernalia.
Natalana man sila kasohan sang pagbayolar sang RA 9165 ukon Comprehensive Dangerous Drugs Act of 2002./PB
[/av_textblock]
[/av_one_full]
