[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 KA SALAKYAN NAGBUNGGOANAY ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Martes, agusto 1, 2017
[/av_textblock]
[av_textblock size=” font_color=” color=”]
Syudad sang ILOILO – Nagpugok ang trapiko bangod sang pagbunggoanay sang Toyota Innova kag Isuzu Crosswind sa bahin sang Ledesma kag Quezon Streets, City Proper pasado alas-sais sang aga kahapon.
Sandig sa inisyal nga report sang Traffic Investigation and Enforcement Unit, mapadulong kontani sa isa ka mall ang Innova nga may plate number ZBA 951 nga ginadala ni Bernabe Felosopo, 32, residente sang Patnongon, Antique. Pero pag-abot sa interseksyon sang Quezon kag Ledesma Streets, aksidente ini nga nakabunggo sa Crosswind nga ginamaneho ni Jocelyn Macata nga may pasahero pa nga duha ka estudyante.
“Diretso kami sa Robinsons tapos dalagan kami mga 40 tapos noong nasa intersection, lumusot ang SUV. Ti nag-preno ako, naabot man gihapon tana,” alegasyon ni Felosopo.
Gindugang niya nga tuman ka dasig sang pagmaneho sang drayber sang Crosswind rason nga wala gid sia makalikaw.
Pero sa alegasyon naman ni Macata, madasig ang pagmaneho ni Felosopo rason nga nasalakay gid sila.
Bangod sang aksidente, nagtakilid ang Crosswind dala sang mabaskug nga impact samtang naguba naman ang ulohan sang Innova. Maswerte lang nga wala sang may nasamaran sa aksidente.
Sa pihak nga bahin, isa pa gid ka aksidente ang natabo sa nasambit nga dalan makaligad ang pila ka minutos.
Gindalahigan ini sang canter truck nga ginadala ni Chris Anthony Mateo, legal nga edad, sang Brgy. Mansaya, Lapuz, kag taxi nga ginamaneho ni Leopoldo Villareal Jr. sang Pilar, Capiz.
Base sa report sang kapulisan, nadulaan sang kontrol sa manibela ang drayber sang trak rason nga nagdiretso sa taxi nga nagapadulong naman sa mall sadto nga tion.
Wala sang may nasamaran sa aksidente sa natabo pero nakakas naman ang bumper sang taxi./PB
[/av_textblock]
[/av_one_full]
