[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 ka suspek sa pagpatay sa manog-isda sa Molo ginkasohan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginpasakaan sang kaso nga murder kahapon sang hapon ang duha ka mga suspek sa pagpatay sa manog-isda nga ginapatihan man nga durogista sa Imperial Subdivision, Brgy. North Fundidor, Molo alas-7:20 sang aga sadtong Martes.
Sa interbyu sang Panay Balita kay Senior Insp. Mark Cordero, hepe sang Molo PNP, ginkilala ang mga suspek nga sanday Reynante Mendoza, 25, sang Brgy. Pili, Ajuy nga nagserbe nga drayber sang motorsiklo sang triggerman nga si Bernardo Espinosa alyas “Toto” sang Brgy. Cagbang, Oton, Iloilo.
Si Mendoza ang nadakpan sa hot pursuit operation sang Molo PNP alas-cinco sang hapon sang Martes sa balay ni Espinosa sa Villa Cristina Subdivision, Brgy. Cagbang, Oton kon sa diin ini naga-obra sang mga palupok.
Samtang nakapalagyo naman si Espinosa matapos nga nakatunog sang pagsalakay sang mga katapo sang Molo PNP.
Narekober man sa balay ni Espinosa ang motorsiklo nga gingamit sa krimen subong man ang gin-islan nga panapton sini.
“Bale naga-obra na sa ila si Reynante kay may ara sila nga ulobrahan sang firecrackers. Bale si Bernardo ni may previous cases man ni sa Iloilo City. Ang dati nag-stay sa Brgy. East Baluarte, Molo. May ara sia grave threat recently lang sa City Proper, may ara sia frustrated murder, may gintiro sia nga drayber sang Compania Central,” sugid ni Cordero angut sa background sang duha ka suspek.
Samtang, ang ginatan-aw gihapon nga motibo ni Cordero sa pagpatay sa biktima nga si Leonel Capanang alyas Negro, 26, sang Brgy. Dulonan, Arevalo, amo ang lansehanay sa ilegal nga droga matapos nga ginapasuni napaslawan ini nga makahatag sang shabu kay Espinosa kabaylo sang ginpahulam sini nga kwarta.
Sa pag-usisa naman ni Cordero kay Mendoza, natukiban nga wala ini sang malain nga rekord kag wala man sang ideya nga may malain nga plano si Espinosa.
“Sang amon interbyuhon, daw gingamit lang sia kag wala sia kabalo kon ano himuon sang triggerman naton,” dugang ni Cordero.
Gintuad man sang hepe nga natigayon nila nga makilala ang mga suspek kasunod man sang ginhatag nga pangalan sang biktima antes ini nabugtoan sang ginhawa.
Sunu kay Cordero nga ginpangita nila ang gin-mensyonar nga pangalan sang biktima kag sang ila nakit-an, gin-isa-isa sining persona ang motibo kag mga persona nga naghimu sang krimen.
Sa pihak nga bahin, angut sa pagpatay kay Mark Mallon y Suria alyas Mak-mak, 35, sang Brgy. South San Jose, Molo sang riding-in-tandem sang Martes man, gintuad ni Cordero nga nabudlayan sila sa pagkilala sa mga suspek bangod nga madasig ang paghimu sang krimen kag lunsay may mga tabon sa nawong.
“Subong naga-rely gihapon kita sa ginakaptan naton nga mga evidence, ini amo lang ang CCTV. Pero kalabo gid sang identity kay kadasig gid sang dalagan sang motor. Budlay gid i-analyze ang kuha sa CCTV,” aku ni Cordero.
Sandig sa kuha sang closed-circuit television camera sang barangay, nagasakay sa motorsiklo ang duha ka mga suspek kon sa diin ang back rider amo ang nagtiro sa biktima.
Ginlaragway naman ang triggerman nga nagasuksok sang pantalon, blue nga jacket kag naka-helmet samtang ang drayber nagasuksok sang gray nga jacket, short, naka-tennis, naka-helmet sang puti, kag may bag sa iya atubang.
Matandaan nga nagapungko sa atubang sang karsada si Mallon kag nagapangape sang naglabay ang riding-in-tandem kag basta na lamang sia nga gintiro gamit ang .9mm caliber pistol.
Tatlo ka mga pilas sa lawas ang naangkon sang biktima rason nga gindeklarar nga dead-on-arrival sa Iloilo Doctors’ Hospital./PB
[/av_textblock]
[/av_one_full]
