[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 ka suspek sa pagtiro nadakpan sa Victorias’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Tuesday, January 31, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Nadakpan sang Vicotiras City PNP ang duha ka suspek nga nagtiro-patay sa isa ka naga-inom sa sulod sang videoke bar sa Bangga Daan Banwa sa Syudad sang Victorias, Negros Occidental kahapon sang udto.
Sunu kay Superintendent Herman Garbosa, hepe sang Victorias City PNP, ang mga suspek amo sanday Rizalino Zaragosa Esleyantan, 26, kag Mark Cardenal Pelayo, 26, lunsay taga-Hacienda Mimi, Brgy. 21, Syudad sang Victorias.
Nadakop sila sa follow-up operation sang mga pulis sa bulig man sang mga pumoluyo sa amo nga duog.
Sunu pa kay Garbosa madamo ang nagtudlo sa duha nga amo ang nagtiro kay Clarence Maglantay Pido, 31, taga-Quezon St., Brgy. 4 sang amo nga syudad, sang Domingo sang kaagahon. Tatlo ka mga pilas sa lawas ang naangkon sini nga iya ginkamatay.
Indi paghangpanay ang motibo sang pagtiro bangod sang hinali nga pagba-isay sang biktima kag mga suspek nga naga-inom man sa videoke bar. Gilayon man nga may naglupok kag nag-uy-oy na lang si Pido.
May tatlo ka iban pa nga nasalabat kag napilasan nga amo sanday Benito Malunes Jr., 27; Ruben Froilan, 39; kag Andy Neugfrancop, 31. Sunu sa pinaka-ulihi nga balita, isa sini sa ila ginbawi-an man sang kabuhi sa ospital. Apang ginatinguhaan pa ini nga makumpirmar sang Panay Balita.
Sa subong naman, ang duha ka suspek priso na sa custodial jail sang Victorias City PNP./PB
[/av_textblock]
[/av_one_full]
