[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 patay sa aksidente sa Bago’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Nagdangat na sa duha ang patay sa aksidente nga nagluntad sa highway sa Purok Balulan, Barangay Tabunan, Syudad sang Bago, Negros Occidental sang kaagahon sang Domingo.
Ang ulihi nga napatay sa Bago City Hospital sang Domingo sang udto amo si Daniela Robles, 13, kag naga-istar sa Purok Proper, Brgy. Tabunan.
Samtang ang napatay naman on-the-spot amo si Angel Marie Casidsid, 12, kag isa ang napilasan kag nagapabilin nga ginabulong sa Bacolod South Hospital nga si Janela Indonela, 13.
Sa madumdoman, ang tatlo upod ang 17-anyos nga si Joy Pioquinto nga nakaluwas sa aksidente, magasimba kontani sa Sto. Niño Chapel mga alas-cinco sang aga sang Domingo sang nadalasa sang ten-wheeler cargo truck nga ginamaneho ni Leopoldo Pilado Jr., 63, baliskad sa una ginreport nga si Jon Klaro sang Purok Alambre, Brgy. Tuguis, Hinigaran.
Sa pahayag ni Pioquinto, ara sia sa likod nga nagasunod sa tatlo samtang nagalakat sila padulong sa simbahan sang mabalikdan niya ang madasig nga cargo truck rason nga nakalukso sia sa pihak nga dalan.
Ginreport naman nga hubog si Pilado. Sunu sa iya wala sia makahibalo nga may nabunggoan sia.
Apang may isa ka traysikol drayber nga nakakita sang natabo kag amo ang nagpahibalo sa Police Station 9 sa Brgy. Sum-ag, Syudad sang Bacolod bahin sa aksidente kag gintudlo ang cargo truck nga ginamaneho ni Pilado.
Nadakpan man gilayon sang mga otoridad si Pilado./PB
[/av_textblock]
[/av_one_full]
