[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 patay sa aksidente sa motor ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Duha ang patay sa separado nga aksidente sa motorsiklo sa mga syudad sang La Carlota kag Talisay, Negros Occidental sang Domingo.
Ginkilala ang mga biktima nga sanday Roman Robles Javier, 33, soltero, isa ka trabahador kag naga-istar sa Purok Yanson, Barangay Mandalagan, Syudad sang Bacolod; kag Leoardo Flores Biscayno, 47, may asawa, kag isa man ka trabahador nga taga-Sitio Boc-Boc, Brgy. Concepcion, Syudad sang Talisay.
Si Javier nasapwan nga nagahamyangon sa national highway sang Hacienda Elena sa Brgy. Ayungon, Syudad sang La Carlota sang traysikol drayber nga si Rico Delgado De la Cruz, 56, kag taga-Brgy. Ayungon mga alas-cinco y medya sang Domingo sang aga.
Dali-dali sia nga gindala sa Don Salvador Benedicto Memorial District Hospital apang ginlawag dead-on-arrival ni Dra. Elen Niocoyco.
Ginpatihan nga nakabunggo ukon natumba si Javier samtang nagasakay sa motorsiklo bangod yara man sia nagahamyangon sa tupad iya motorsiklo nga may plate number FJ-9771.
Sa pihak nga bahin, si Biscayno nakita sa kanal sa Sitio Compuestohan, Brgy. Cabatangan, Syudad sang Talisay mga alas-siete ang takna sang Domingo sang aga.
Sakay na sia sa motorsiklo pauli sa Syudad sang Silay apang ginapatihan natumba kag nahulog sa kanal bangod sa kahulogbon.
Domingo sang aga na sang nasapwan ini nga patay sa may kanal./H
[/av_textblock]
[/av_one_full]
