[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Notoryus nga durogista patay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang ginakabig high-value target sa pagbaligya sang ilegal nga droga matapos nga tuyo sini nga haboyan sang granada ang mga pulis sa Barangay Rizal-Estanzuela, City Proper alas-7:30 sang gab-i sang Domingo.
Ginbawian sang kabuhi alas-8:40 sang gab-i sa Iloilo Doctors’ Hospital ang suspetsado nga si Roberto Supremo y Valente, 66, bangod sang patal nga pilas sa agtang kag wala nga abaga.
Si Supremo ang ika-tatlo nga high-value target sang Police Precinct 1 (PP1). Utod sia ni Rodolfo “Boy” Supremo nga ginatudlo nagsunog sa mga barangay Maria Clara kag Rizal Ibarra, City Proper sang nagligad nga Marso kon sa diin masobra 50 ka mga balay ang naupos sang kalayo.
Sandig sa imbestigasyon sang PP1 sa pagpamuno ni Chief Insp. Aldrin Lamera, nagpatigayon sila sang drug bust kontra kay Supremo upod ang puersa sang Criminal Intelligence and Detection Group.
Nagpakuno-kuno nga mabakal sang shabu ang isa ka pulis balor P300 pero matapos nga ginhatag ni Supremo ang duha ka dalagku nga sachets sang shabu, namutikan sini nga pulis ang iya naka-transaksyon rason nga nagsulod ini sa iya balay kag nanirado sang gate.
Nagsaka pa ang suspetsado sa ibabaw sang iya balay rason nga ginguba sang mga pulis ang gate kag nakit-an na lang nila si Supremo nga naga-uyat sang hand grenade nga tuyo nga ihaboy sa ila rason nga gintiro na lamang nila nga dimalas nga naigu sa agtang.
Narekober sa paghinakop sini ang MK-2 fragmentation grenade samtang narekober sa balay sini ang isa ka caliber 380 Llma pistol, tatlo ka magazines, 18 ka mga bala, 45 ka mga bala sang kalibre .45, holster, kag kwarta nga P74,185 nga ginapatihan kita sini sa pagbaligya sang ilegal nga droga.
Sa interbyu naman sang mga katapo sang media kay Senior Supt. Remus Canieso, director sang Iloilo City Police Office, madugay na nga yara sa drugs watch list si Supremo.
Madugay naman nila nga gina-monitor ang hulag sini apang nabudlayan sila sa pagdakop bangod nga masami nagasaylo-saylo sang balay.
May yara man sang mga tinawo nga ginasugo si Supremo rason nga ginakabig sia nga high-value target./H
[/av_textblock]
[/av_one_full]
