[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’3 ka durogista dakop sa lodge ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Tiklo ang tatlo ka bag-ohanon nga mga drug personality paagi sa ginkasar nga buy-bust operation sa room 44 sang Sofia Lodge sa Barangay Infante, distrito sang Molo alas-10 sang Martes sang gab-i.
Ginkilala ang tatlo kanday Ermie Alpapara y Pada, 23, dalaga kag residente sang Brgy. Rizal Estanzuela, City Proper; Eric Subosa y Billiones, 28 kag residente sang Brgy. Don Esteban, Lapuz; kag Noel Vicencio y Soliva, 52 kag residente sang Brgy. Bo. Cochero, Molo.
Sandig sa rekord sang Molo PNP, nabaklan sang Regional Intelligence Unit (RIU) 6 ang tatlo sang isa ka plastic sachet sang gina-alegar shabu balor P1,000.
Sang ginrikisa, nakuha sa paghinakop ni Alpapara ang marked money kag 10 pa gid ka elongated plastic sachets sang ginapasuni shabu, kag P500 nga ginapatihan kita nila sa pagbaligya sang ilegal nga droga.
Narekober man kay Subosa ang cellphone samtang kay Vicencio ang isa ka .45 kalibre nga pusil, mga bala, isa pa gid ka plastic sachet sang ginapasuni shabu, kag P1,000 nga ginapatihan kita sa pagbaligya sang ilegal nga droga.
Narekober man sa hiligdaan sang tatlo ang madamo nga mga drug paraphernalia.
Nag-gwa sa report sang RIU-6 nga ang tatlo lunsay bag-ohanon nga drug personality nga naga-operate sa Brgy. Infante, Molo.
Nahunong na subong ang tatlo sa karsel sang RIU-6 kag natalana kasohan sang pagbayolar sang RA 9165 ukon Comprehensive Dangerous Drugs Act of 2002./PB
[/av_textblock]
[/av_one_full]
