[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’3 ka suspek sa pag-abduct sa magnobya ginkasohan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Thursday, March 9, 2017
[/av_textblock]
[av_textblock size=” font_color=” color=”]
Syudad sang ILOILO – Nagatalangkas nga mga kaso ang gina-atubang sang tatlo ka mga suspek nga nag-abduct sa magnobya sa parking lot sang isa ka mall sa Diversion Road, distrito sang Mandurriao sadtong Lunes sang gab-i.
Ginpasaka sang Mandurriao PNP sa City Prosecutor’s Office kahapon ang kaso nga carnapping with serious illegal detention kag grave threat kontra kay Sirius Gim Villareal y Bañas, 22, soltero kag residente sang Tupas St., Tigbauan, Iloilo.
Ginkasohan man sia sang Barotac Viejo PNP sang paglapas sa RA 10591 ukon illegal possession of firearms matapos nga nakuhaan sang .45 caliber pistol sang na-aresto sa Brgy. Puerto Princesa, Barotac Viejo.
Nagpasaka man sang kaso ang Women and Children’s Protection Desk sang paghimulos kontra kay Villareal.
Samtang ginkasohan sanday Reymund Cordero, 22, sikyu sa Masacote building sa Poblacion, Janiuay, Iloilo kag taga-Amamaros, Pototan, Iloilo kag si Robert Tingson sang Brgy. Amamaros, Pototan, sang carnapping with serious illegal detention kag grave threat.
Dugang nga kaso nga paghimulos ang atubangon ni Cordero nga gina-alegar nakamolestiya sa biktima nga si alyas Quennie, 24.
Gilayon man nga gindala kahapon sa Iloilo District Jail sa Brgy. Nanga, Pototan, Iloilo si Villareal para didto prisuhon samtang sa Mandurriao PNP naman ginhunong sanday Cordero kag Tingson.
Si Villareal ang ginseparar sa iban nga mga priso sa IDJ kay yara sia sa Special Intensive Care Area.
Gin-athag naman ni Jail Senior Inspector Abner Zamora, warden sang BJMP-Nanga, nga indi ini VIP treatment kundi kabahin lamang sang seguridad ni Villareal bangod nga madamo sang naakig sa iya sa ginhimu niya nga krimen.
Sa interbyu sang media kay Cordero, gin-alegar sini nga nagkilalahay sila ni Villareal sa Janiuay matapos nga ginahatagan sia sini sang kwarta.
Pero ginpanginwala ni Cordero nga sia ang nagplano sang krimen sandig sa alegasyon ni Villareal.
“Ako kuno ang lider-lider, ako kuno ang nagaplano. Sa katapusan sia man ang nagahimu ka ran,” hambal ni Cordero.
Napilitan man sila nga maghimu sang krimen bangod nga ginatayaan sila sang pusil kag ginapahog ni Villareal nga nakilala nila sa pangalan nga alyas Imboy.
Sa pihak nga bahin, daku ang pasalamat sang amay ni Quennie nga madasig ang pagpasaka sang kaso batok sa mga suspek.
“Ang sala nila nga nahimu indi puede nga pasensyahon,” hambal sang wala ginhingadlan nga amay sang biktima.
Sa matandaan, manogsulod na kontani sa mall si Quennie kag nobyo niya nga si Mark, 22, para magpanyapon sang gulpi lang gintayaan sang pusil ni Villareal ang naulihi.
Ginpasakay man dayon ni Villareal ang magnobyo sa Ford Everest nga salakyan kag gindala sa Barotac Viejo.
Samtang nagabiyahe, gin-alegar nga ginhimuslan nanday Villareal kag Cordero ang dalaga samtang nagatulok ang nobyo nga nakagapos sa backseat sang salakyan.
Pag-abot sa Zarraga, Iloilo, nagpanaog si Tingson rason nga wala ini nakamitir sa dalaga.
Nagpadayun naman ang pagbiyahe sang mga suspek kag magnobya tubtob nga nagpakuno-kuno ang dalaga nga nauhaw pag-abot sa Banate rason nga nagpangita sang tubig si Cordero.
Diri nga nakakita sang tsansa nga makapalagyo ang dalaga kag nakadangop sa Banate PNP nga nag-alerto dayon sa kaiping nga kabanwahanan para magkasar sang checkpoint operation.
Makaligad ang pila ka minutos, nakabaton sang report ang Banate PNP nga may nadisgrasya nga Ford Everest sa Brgy. Puerto Princesa rason nga ila ginsekyar kag naluwas nila si Mark.
Sa ginhiwat dayon nga hot pursuit operation, nadakpan sanday Cordero kag Villareal samtang si Tingson nagsungka sa kapulisan sang Martes sang hapon./PB
[/av_textblock]
[/av_one_full]
