[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ 4 ka mag-abyan gin-anod sang baha ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Bangod sang pag-ulan sa nabukid nga bahin sang Igbaras, Iloilo, apat ka mga lalaki nga nagpangayaw para magpaligo sa Nadsadjan Falls ang gin-anod sang tubig-baha sa Barangay Passi, Igbaras, Iloilo alas-dos sang hapon kahapon.
Gindeklarar nga dead-on-arrival sa Guimbal District Hospital ang isa sa apat ka mga biktima nga amo si Julie Delgado Magbanua, 30, kag tumandok sang Brgy. Jalaud Norte, Zarraga, Iloilo.
Nakaagom naman ang duha ka mga biktima sang mga samad sa lawas samtang ang isa pa lunsay mga gasgas ang naangkon.
Sa interbyu sang Panay Balita kay Inspector Oman Brendel Estabillo, acting chief of police sang Igbaras PNP, nagpadulong sa nasambit nga busay ang 10 ka mga magbarkada para magpaligo pero wala sila makahibalo nga mamunog ang ulan sa nabukid nga porsyon sang Igbaras rason nga nagdausdos ang tubig-baha padulong sa busay.
Samtang nagakuha sila sang mga laragway, apat sa 10 ka mga magbarkada ang gin-anod sang mabaskug nga koryente sang tubig pero maswerte nga nakaluwas ang tatlo samtang nadala gid sang tubig-baha ang isa nga amo si Delgado kag pasado alas-cinco sang hapon na nakita nga wala nagahulag.
“Hindi nila namalayan na umulan sa gawing taas ng bundok kasi wala naman sila tour guide na sinama. Ngayon biglang lumakas ang tubig, naiwan ‘yong apat, napag-abotan sa kalagitna-an ng daan. Ayon na-anod sila pero ‘yong tatlo naka-alis agad sa tubig. ‘Yong isa lang talaga hindi na pinalad pero sana buhay pa sia,” patpat ni Estabillo.
Natukiban man ni Estabillo nga wala naka-log in sa tourism book ang 10 ka mga magbarkada kag nagmato-mato lang padulong sa Nadsadjan Falls.
“Sabi ng kasama nila na na-interbyu namin na pumunta raw sila doon pero hindi sila nag-log in sa tourism logbook. Ngayon nagtanong-tanong sila sa mga tao, nagdiretso sila doon, nagkain, naligo at nag-picture sila,” dugang ni Estabillo.
Samtang ginasulat ining balita, ginahibalo pa sang Igbaras PNP ang pangalan sang tatlo pa ka mga biktima./PB
[/av_textblock]
[/av_one_full]
