[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’4 ka mga salakyan nagbinunggoanay sa Leganes’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Thursday, June 22, 2017
[/av_textblock]
[av_textblock size=” font_color=” color=”]
Syudad sang ILOILO – Nagkarambola ang apat ka mga salakyan sa highway sa Barangay Cagamutan Norte, Leganes, Iloilo alas-2:25 sang hapon kahapon.
Sa inisyal nga imbestigasyon sang Leganes Police Station, gina-usoy sang Toyota Wigo nga ginamaneho ni Florante Tero ang dalan padulong sa Syudad sang Iloilo pero gulpi lang sia nga nagliko sa pihak nga dalan.
Bangod sini, nasugata sang Wigo ang itom nga Foton pickup nga ginamaneho ni Baltazar Panizales nga mapadulong naman sa Syudad sang Passi rason sang ila pagbunggoanay.
Nagtinguha man kontani si Panizales nga likawan ang Wigo apang nadulaan sia sang kontrol tubtob nga nagdiretso pa gid sia bunggo sa Toyota Prado nga nakaparada sa kilid sang dalan.
Sunod sini, nagdiretso man bunggo ang Prado sa nakaparada pa gid nga pula nga Nissan pickup.
Natam-an gid sa aksidente ang Wigo nga nawasak ang ulohan subongman ang Foton nga daku man ang halit.
Samtang maswerte lang nga wala sang nasaraman sa aksidente luwas gid lang sang pagpalanakit sang lawas sang mga drayber sang mga salakyan./PB
[/av_textblock]
[/av_one_full]
