[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’4 patay sa aksidente sa Syudad sang Cadiz’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Wednesday, february 15, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Patay ang apat ka mga tawo sa asud-asud nga aksidente sa motor sa Syudad sang Cadiz, Negros Occidental sang kaagahon sang Domingo kag sang Lunes sang gab-i.
Ginkilala ni Superintendent Edel Jose Manzano, hepe sang Cadiz City PNP, ang mga biktima nga sanday Joshua Peñaverde, 20, soltero sang Purok Aquarose, Barangay Tinampaan; Noel Berden, 33, may asawa; Loren Rey Maghapan, 21, soltero; kag Tillo Cordero, 21, soltero, tanan residente sang Brgy. Andres Bonifacio sa amo nga syudad.
Sunu sa imbestigasyon sang pulis, hubog si si Peñaverde kag madasig ang padalagan sini sang iya motorsiklo sang nakabunggo sa puno sang Narra sa kurbada sang Cadiz Heights sa Brgy. Tinampaan mga alas-tres y medya sang Domingo sang kaagahon.
Sa pihak nga bahin, ang ulihi nga tatlo ka napatay nagasakay sa traysikol agud magpabulong sa surhano sa Purok Avocado, Brgy. Cabahug. Nakabunggo sila sa cargo truck nga ila nasugata padulong sa Syudad sang Bacolod mga alas-11:20 sang gab-i sang Lunes.
Nakilala ang drayber sang trak nga si Renante Manalo, 38, may asawa, sang Toboso, Negros Occidental.
Gindeklarar nga dead-on-arrival si Berden sa Cadiz District Hospital, si Maghapan napatay samtang ginabulong sa Teresita Jalandoni Memorial Provincial Hospital sa Syudad sang Silay kag si Cordero sa Cadiz City Emergency Clinic.
Samtang ginasulat ini nga balita, si Manalo priso na sa Cadiz City PNP jail./PB
[/av_textblock]
[/av_one_full]
