[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’6 KA BALAY NASUNOG SA JARO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Naglab-ot sa anum tanan ka mga balay ang nasunog sa Sitio Matawhay, Barangay Tabuc Suba, distrito sang Jaro pasado ala-una sang kaagahon kahapon.
Naubos lamon sang kalayo ang mga balay nanday Maria Nieva Gentil, Eduardo Sales kag Ronita Bacaling samtang parsyal naman nga nasunog ang mga balay nanday Eduardo Zulueta, Ida Pama kag Conchita Sumalatal.
Sandig sa imbestigasyon sang Bureau of Fire Protection (BFP), naghalin ang kalayo sa abandonado nga balay ni Gentil mga alas-12:30 sang kaagahon pero wala pa nahibaluan kon ano ang gintunaan.
“Mga alas dose pasado, nag gwa ko kay nangihi ko. Tapos na, nagsulod ko balik (sa kwarto) kay nangihi man bana ko. Daw may napanimahuan ko nga daw may naga dabok. Hambal ko sa bana ko ‘Gha ano man, may napanimahuan ko nga dabok’,” siling naman ni Bacaling.
Wala man ginsapak sang mag-asawa ang napanimahoan nila sa pagdumdom nga dabok lamang. Pero makaligad ang pila ka minutos, may nagsinggit nga “May sunog, may sunog.”
“Nakita ko nga ang atop namon nalab-ot na sang kalayo,” sunu pa kay Bacaling.
Nahibaluan pa nga ang ila balay kapin 50 metros pa ang kalayuon gikan sa balay ni Gentil.
“Nag gwa ko dayon sa balay, gin pukaw ko bilog nga barangay. Anay mabalik na ko nga salbaron gamit ko, wala na ko may nasalbar kay urot na ka kalayo balay ko,” dugang pa niya.
Ginapahayag naman nga nakita sang isa ka saksi nga may isa ka persona nga nagatindog sa balay ni Gentil antes nag-ibwal ang kalayo.
“Indi ko man mahambal kon sia ang nagtutod basta nakita ko lang nga ara sia sa ibabaw sang lamesa nagatindog pagdaba-daba sang kalayo, naglakat,” panasaysayon sang saksi nga si alyas Nikka sa interbyu sang isa ka istasyon sang radyo.
Samtang ginasulat ini nga balita, ginabanta sang BFP nga kapin P300,000 ang balor sang kahalitan sang sunog./PB
[/av_textblock]
[/av_one_full]
