[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’60 KA MGA PERSONA NAHILU SA LAMBUNAO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginpangdala sa ospital ang 58 ka mga estudyante kag duha ka coach sang banwa sang Janiuay matapos nga ginapatihan nahilu sang ginkaon nga fish fillet sa ila billeting area sa Lambunao, Iloilo.
Takna alas-otso sang gab-i sang Huwebes samtang nagapanyapon ang 58 ka mga atleta kag duha nila ka coach nga nagpasakop sa nagapadayun nga 3rd Congressional District Sports Association Meet, gulpi lang sila nakabatyag sang pagsakit sang tiyan kag nagsuluka.
“Base sa aton pag-imbestigar nagkaon sila sang ila sud-an sa panyapon, daw fish fillet. Tapos mga 8 p.m. amo to nagbatyag ang iban sang pagsakit sang tiyan kag pagsuka,” siling ni Chief Inspector Jogen Suegay, hepe sang Lambunao PNP, sa interbyu sang Panay Balita.
Bangod sini, gindala ang mga atleta kag ila mga coach sa Dr. Ricardo Y. Ladrido Memorial District Hospital sa Lambunao.
Makaligad ang halos isa ka oras nga pagbulong, nakagwa man sa ospital ang 56 sa ila samtang kahapon naman sang aga nakagwa ang apat ka iban pa.
“Kagwa na sila. Sixty ni sila tapos may apat nga wala dayon nakagwa pero kaina sang aga nakagwa naman,” dugang ni Suegay.
Siling pa sang hepe nga lunsay naga-eskwela sa elementarya kag sekondarya nga mga eskwelahan sa Janiuay ang mga nagkalahilu sang ginapatihan nakaon nga fish fillet.
Sa pihak nga bahin, wala man naapektohan ang pagpasakop sang Janiuay sa congressional meet kon sa diin nakabalik man dayon sila sa Lambunao.
Luwas sa Janiuay, ang iban pa nga mga banwa nga nagapasakop sa 3rd Congressional District Sports Association Meet amo ang Badiangan, Bingawan, Cabatuan, Calinog, Lambunao, Mina, Maasin, kag Pototan sang tercier distrito sang probinsya sang Iloilo. Nag-umpisa ini sang Nobyimbre 15 kag magatakop subong nga Sabado./PB
[/av_textblock]
[/av_one_full]