[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’61-anyos nagpalupok pusil sa Negros, arestado ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Nagtupa sa prisohan ang 61-anyos nga lalaki nga taga-Barangay Mambulac, Syudad sang Silay, Negros Occidental bangod sang pagpinalupok niya sang pusil mga alas-nueve ang takna sang aga kahapon.
Ginkilala ni Superintendent Noel Polines, hepe sang Silay City PNP, ang suspek nga si Robert “Bob” Jereza kag gina-alegar nga may diperensya ini sa paghuna-huna (psychiatric patient) kag isahanon nga naga-istar sa ila balay.
Sunu sa imbestigasyon sang kapulisan, ginpahayag ni Jereza nga ginsaka ang iya balay sang wala makilala nga mga kawatan rason nga nagpinalupok sia sang pusil.
Pahayag naman sang saksi nga si Roland Isabel, 29, naga-carwash sila sang salakyan sa pihak nga dalan sang nag-gwa si Jereza kag nagpalupok sang M16 armalite rifle sa ila direksyon.
Bangod sini, nagresponder ang mga pulis kag ginsulod ang balay ni Jereza kag didto nasapwan ang madamo nga klase sang mga armas kag bala kaangay sang isa ka M16 riffle, isa ka shotgun kag iban pa nga nagkalain-lain nga kalibre.
Sunu pa kay Polines nga iya ipa-usisa kon ang suspek may mga rekord na sadto nga nagapalupok sa iya nga compound.
Natalana man nga pasakaan sang kaso nga malicious mischief, indiscriminate firing kag possible attempted homicide ang suspek./PB
[/av_textblock]
[/av_one_full]
