[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Nagbisita sa prisohan nakuhaan shabu’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Thursday, May 18, 2017
[/av_textblock]
[av_textblock size=” font_color=” color=”]
Syudad sang BACOLOD – Kapin P345,950 nga balor sang ginapasuni shabu ang nakuha sang jail guard sa isa ka lalaki nga tuyo magbisita sa Dumaguete City District Jail sa Syudad sang Dumaguete mga alas-12:45 ang takna sa hapon sadtong Martes.
Sunu kay Jail Chief Inspector Freizel Arevalo, warden sang Dumaguete City District Jail, ang iya tawo nga si Senior Jail Officer 1 Gerry Pejulas ang nakatukib sang ginrikisa ang suspek nga si Fernando Katada Flores, 30, kag naga-istar sa Purok Santan, Brgy. Taclobo sang amo nga syudad.
Nakuha sa paghinakop ni Flores ang isa ka daku nga pinutos nga ginbutangan sang electrical tape nga naga-unod sang kapin 31 gramos nga ginapasuni shabu.
Nakumpiskar dugang diri ang walo ka tag-P500 nga natago sa iya brief.
Magaduaw kontani si Flores sa iya pakaisa nga napriso nga may kaso nga murder sa male dormitory.
Matandaan naman nga duha ka semana ang nagligad, may duha ka minor de edad nga nagdul-ong sa nasambit man nga prisohan sang kapin 30 ka mga bunga sang lubi, sa diin ang anum diri naga-unod sang shabu nga ginabanta balor P8 milyon./PB
[/av_textblock]
[/av_one_full]
