[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Bawal na ang paggamit sang celfone samtang naga-drive’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Thursday, May 18, 2017
[/av_textblock]
[av_textblock size=” font_color=” color=”]
UNA vez nga nabal-an sang mga taga-Iloilo ang pag-ban, ukon pagdumili sang paggamit sang cellphone sa panahon sang Dinagyang sadtong kahiwatan sini sang Enero 21-22, 2017.
Ang mga lugar nga nalakip sa ban amo ang Dinagyang Festival area sa Calle Real, City Proper sa kabilugan, River Esplanade sa Mandurriao, Iloilo (Megaworld) Business Park , kag SM City Lapaz, kag Mandurriao.
Gin-mando ini sang National Telecommunications Commission (NTC) kag sang Philippine National Police (PNP) sa interes sang seguridad sang publiko sa sini nga okasyon pagkatapos sang pila ka insidente sang pang-bomba sa pungsod. Lakip sa sining pang-bomba ang isa ka night market sa Davao City sadtong Sep. 2, 2016 sa diin 15 ang napatay kag mga 70 pa ang nahalitan.
Lakip man sa pag-ban sa paggamit sang cellphone sa Dinagyang 2017 amo ang pyesta sang Black Nazarene sa Quiapo kag ang Sinulog sa Cebu. Ang ining duha ka mga kahiwatan ginasaulog man sa bulan sang Enero.
Ang explikasyon sang mga otoridad sa amo nga pag-ban amo nga puede gamiton ang cellphone sa pagpalupok sang isa ka bomba bisan halin pa sa malayo nga lugar.
Samtang, sang sini lang, gin-aprubahan man ang kasuguan nga naga-ban sa paggamit, samtang naga-drive, sang mga mobile phone, lakip ang cellphone kag iban pa nga mga electronic gadgets, sa bug-os nga pungsod.
Ang ining Anti-Distracted Driving Act (ADDA), sunu sa balita nasyonal, nangin epektibo sumugod sa adlaw nga ini, Mayo 18, 2017.
Ginadilian sang ADDA ang paggamit sang mga mobile phone kag iban pa nga devices katulad sang phone, tablet, laptop, kag iban pa nga electronic gadget samtang ginauyatan ini sang drayber sa tion nga nagatawag ukon nagabaton siya sang tawag gamit ining gadget.
Ang kasal-anan diri sang drayber amo ang ginatawag nga “Distracted Driving,” nga nagalakip sang pagpadalagan sang salakyan tubtub sa pagdulog temporaryo sa red light (pula nga suga sa traffic sign).
Puede ugaling ang drayber makagamit sang phone nga may hands-free feature nga indi kinahanglan uyatan agud magamit, ukon isa ka device nga indi kinahanglan uyatan samtang nagatawag ukon nagabaton sang tawag nga indi kinahanglan uyatan, katulad sang speaker phone, earphone kag microphone.
Ang ADDA nagatugot man sang pila ka exception to the rule, katulad sang pagpahanugot sa paggamit sining mga gadget kon nagadulog ang salakyan sa isa ka lugar nga ginatugutan kag kon kinahanglan sa emerhensya, katulad kon nagatawag sa isa ka healthcare provider ukon emergency assistance, fire department, mga nagapatuman sang kasuguan kag iban pa nga emergency service provider.
Ang balita nasyonal ugaling wala nagatumod sang pihu sa mga media outlets bilang kalakip sining exception to the rule, nga puede pangayuan sang kaathagan sang Kapisanan ng mga Brodkaster sa Pilipinas (KBP) kag iban pa nga media outlets.
Gapati ugaling kita nga ang media lakip sa “emergency service provider,” katulad kon nagalagas sila sa salakyan sang bombero agud masundan ang paghatag balita (running news) sang hitabu sa mga pumuluyo.
Ang penalidad sa pag-violar sang ADDA amo ang masunod: Una nga pag-violar, Php5,000 nga fine; Ikaduha, Php10,000 nga fine; Ikatlo, Php15,000 nga fine kag 3 ka bulan nga suspension sang lisensya; kag Ikaapat, Php20,000 nga fine kag revocacion sang lisensya.
Sa madumduman ta, may isa ka ordinansa, Ordinansa 2012-181, nga ginpapasar ni anay konsehal Jason Gonzales nga nagadumili sa paggamit sang mga earphone samtang naga-drive sang motorized nga salakyan, motorsiklo ukon bisikleta sa hurisdiksyon sang siyudad sang Iloilo.
May pagsalingasag seguro ini sa ADDA, nga isa ka kasuguan nasyonal nga nagatugot sang earphone sa pila ka pagka-kinahanglan nga wala sa exception sang Ordinance 2012-181.
Sa nahibal-an ta, ma-mayor ang kasuguan nasyonal kag maka-amendar ini ukon magpatay gid sang lubos sang isa ka lokal nga ordinansa.
Sa kaso sang Ordinance 2012-181, ang wala lang maapektuhan ang ma-amendar sang ADDA./PB
[/av_textblock]
[/av_one_full]
