[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Dapat may pagpangamlig man ang PH sa Korean crisis’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Tuesday, May 23, 2017
[/av_textblock]
[av_textblock size=” font_color=” color=”]
DAPAT seryosohon na naton ang pagpangamlig sa seguridad sang mga Pinoy nga nagapuyo sa karon sa South Korea, samtang labi na gid nga naga-init ang tensyon sa tunga sang Estados Unidos kag North Korea.
Mga 63,000 ka mga Pinoy sa karon ang yara sa South Korea nga nagapuyo kag naga-tener diri sa nagakalain-lain nga mga tinutuyo.
Tubtub subong, ang North Korea naka-test na sang lima ka bomba atomika sumugod sadtong 2006, lakip ang isa ka Inter-Continental Ballistic Missile (ICBM), nga ginpahug pa sini palukpon tumod sa Estados Unidos.
Wala nangin madinalag-on ang ining ICBM test, nga ginlansar sadtong Abril 29, 2017. Ugaling, gapati ang Estados Unidos nga masarangan sang North Korea himuon ining ICBM sa dili madugay, nga wala gid nauyunan sang Estados Unidos tungod pagpamahug na ini direkta sa seguridad sang ila pungsod.
Gin-rason sang North Korea nga ginahimu lang sini ang pagpabaskug sang iya nuclear capability bilang pagpangapin sa ano man nga tinutuyo sang mga kontra nga salakayon ini, labi na gid sang kaiping nga South Korea kag ang kaalyado sini nga Estados Unidos.
Ang problema ugaling dira amo nga may ban ukon pagdumili na ang United Nations batok sa pagpasige hiwat sang mga nuclear tests sa diin nakapirma bisan ang mga kaalyado sini nga Tsina kag Rusya.
Tungod sining ilegal nga buhat sang North Korea, kag tungod pa gid sa pamahug sini nga palukpan sing ICBM ang Estados Unidos, naglupok na ang tingkoy sang pikon nga President Donald Trump sang Estados Unidos.
Pinahug na sini sing matuod-tuod ang North Korea, kag nagpadala na gani sang aircraft carrier nga lulan ang madamo nga mga mataas kalibre nga mga jet fighters.
Nagpadala man ang Estados Unidos sang pila ka salakyan pangdagat (navy) nga may guided missile kag ginplastar ang mga ini malapit sa ugsaran sang North Korea nga handa salakayon ang naulihi kon sigehon pa sini ang pag-test sang mga nuclear bomb.
Apang nagapakatig-a gihapon ang diktador sang North Korea nga si Kim Jong Un kag naglansar pa gid sang isa ka nuclear test, nga ikapitu na.
Nag-deklarar pa gani ini nga makig-gyera nuclear sa Estados Unidos, bisan pa sa pagsaway sang Tsina kag Rusya nga kaalyado sini.
Ang Southeast Nations (ASEAN) nag-apelar man gani sa North Korea agud indi pagpadayunon sini ang iya pagpakatig-a sa ngalan sang kalinong internasyonal kag sa rehiyon (Southeast Asia) man.
Tungod sini nga tensyon, ang Japan naniguro na sa mahimo matabo kon mag-gyera gid man ang North Korea kag ang Estados Unidos upod ang kaalyado sini nga South Korea, sa diin madamo ang ila pumuluyo nagapuyo kag naga-trabaho.
Sang sini lang, ang Japan nagdeklarar na sang mga Alert Advisory sa iya pumuluyo agud amligan sila.
Mga 38,000 nga mga Hapones sa karon ang yara gapuyo sa South Korea kag may mga 19,000 pa nga naga-tener diri bilang mga turista.
Apat ini ka andana sa pagpangamlig ang ginahandaan sang Japan:
Level 1: Kon may terror plot gid man sa South Korea, ang pumuluyo ginapahibalo sa paglikaw sa non-essential ukon non-urgent nga pagkadto sa South Korea.
Level 2: Kon may risgo nga mataas pa sangsa Level 1, pangabayon na ang mga pumuluyo sini nga indi na gid lang magpadulong sa South Korea.
Level 3: Sa mas delikado ngs sitwasyon, katulad sang isa ka limited airstrike sang Estados Unidos sa North Korea, ang Japanese foreign ministry magapatigayon na sang evacuation sang ila pumuluyo.
Level 4 – ang pinakamataas nga alert: Kon may atake halin sa North Korea nga makapasara sang mga erport sa South Korea, ginapangabay ang mga pumuluyo nga magtago sa mga shelters ukon magpabilin sa ila mga puluy-an. Kag sa pagpuas sang krisis, ang mga pumuluyo patigayunon na sa pagpalagyo sa malayo kag hilway nga mga lugar.
Ti, ano ya ang plano sang aton gobyerno?/PB
[/av_textblock]
[/av_one_full]
