[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’KAPITAN KAKAS SA PUESTO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginmando sang Office of the Ombudsman ang pagkakas sa puesto kay Punong Barangay Nicolas Hermano sang Barangay Buntatala sa distrito sang Jaro.
Bangod sini, ginpatuman ni Iloilo City Department of Interior and Local Government director Atty. Ferdinand Panes ang mando sang Ombudsman sadtong Hulyo 14. Sunu kay Panes nga nag-ugat ang kaso sa reklamo ni barangay kagawad Melliza Flores bangod sang wala na-liquidate nga mga disbursements sang tesorera sang barangay.
“Ang iya man mismo kagawad ang nagpasaka sang kaso nga gross misconduct kay may mga disbursements, may tseke nga indi ma-account kag wala na-liquidate sang iya former treasurer,” kumpirmasyon ni Panes.
Gindugang pa sini nga nagsugod ang disbursements nga indi ma-account sadtong mga tuig 2013 kag 2014 kag naglambot sa masobra sa P2 milyon ang na-release nga tseke. Sa amo nga kantidad, sunu kay Panes, halos P800,000 lamang ang na-account sang barangay.
Ginpasakaan man sang kaso ni Hermano sa City Prosecutor’s Office ang iya tesorero sang kaso kriminal apang ginbasura ini sang korte.
Ginkumpirmar man ni Panes nga nag-appeal ang kampo ni Hermano apang kinahanglan gid nila nga ipatuman ang dismissal samtang nagapadayun ang appeal.
Kaupod sang dismissal sa posisyon, indi na makapangalagad sa gobyerno si Hermano kag ginapa-forfeit ang iya mga benepisyo kon may ara.
Sa pihak nga bahin, ang nagbulos naman bilang kapitan sa Barangay Buntatala amo ang No. 1 kagawad nga si Antonio Pudadera Villegas epektibo sang Hulyo 14./PB
[/av_textblock]
[/av_one_full]
