[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mangungoma ginpatay sa Janiuay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay gid ang mangungoma matapos nga gintiro sang upod sini sa ilimnan sa Barangay Barasalon, Janiuay, Iloilo alas-12:05 sang kaagahon kahapon.
Dead-on-the-spot ang biktima nga si Ronald Capillo y Marbebe, 39, kasado kag residente sang Zone 7, Brgy. Barasalon, Janiuay, bangod sang patal nga pilas sa wala nga bahin sang iya dulonggan.
Ginatudlo naman nga suspek si Roy Capillo nga nagpalagyo pagkatapos sang krimen.
Sa imbestigasyon ni Senior Inspector John Paul Guay, hepe sang Janiuay Police Station, naga-inom ang biktima upod sanday alyas Rey kag suspek sa isa ka balay-ilimnan sang nagluntad ang pagbaisay tubtob nga nag-gabot sang 12 gauge shot gun ang suspek kag gintiro ang biktima.
Ginapahayag man nga nagpalagyo dayon ang suspek sang nakit-an nga natumba sa pulongkoan ang biktima.
Yara na karon ang bangkay sang biktima sa Dionils Funeral Homes sa Brgy. Jibolo, Janiuay kag natalana nga ipaidalom sa autopsy examination.
Samtang, nagapati ang Janiuay Police Station nga kahulogbon ang motibo sang krimen kag gin-athag nga indi man drug personality ang nadalahig sa krimen./PB
[/av_textblock]
[/av_one_full]
