[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON
ROBERTO ‘BERT’ LADERA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
IKADUHA NGA SONA NI DUTERTE
Nagabalingaso, mainit, masupog, puno sang emosyon, kag matigdas ang mga panindugan sa mga pahayag nga ginbungat ni Presidente Rodrigo Duterte sa iya ikaduha nga State of the Nation Address.
Madamo sa gihapon sang wala nauyon sa pamaagi sang presidente sa pagdul-ong sang iya mensahe sa mga pumuluyo. Luyag sang iban nga wala sila sang may mabatian nga pamuyayaw ukon kaugtom nga nagakawas sa baba sang presidente. Luyag nila nga mag-akto ang presidente santu sa ila naandan nga mga ginapamatian sa Kongreso nga wala sila sang isaway kag sibu sa kon ano ang angay nga akto suno sa ila natun-an.
Luyag nila nga isulod sa kahon sang ila paminsaron ang mangin akto, mangin pulong, kag mangin buhat sang presidente.
Ginatawag nila ini nga kaangay sang isa ka diktador, apang sila ang nagadikta sa kon ano dapat ang mangin imahen sini sa mata sang publiko, santu sa ila natun-an, kag santu sa impluwensya sa edukasyon sang Amerika nga napagkit na sa ila panghuna-huna kag balatyagon.
Indi nila mahangpan ang mga pamaagi ni Digong. Indi nila maapresyar ang mga ginabuhat ni Digong. Kag bisan tubtub san-o, indi nila mabaton nga ang ila wala naluyagan amo ang naga-uyat sang timon sang pungsod.
Kon sila nga wala naga-apresyar ang aton atubangon, maga-igod kita sa aton kahimtangan, wala kita sang katibawasan nga tuhay naman sa ila kahimtangan nga may mga dagaya nga palangabuhian.
Luyag sang mga oligarko nga padayon kita nga magaluhod sa ila, nga magasunod sa ila luyag kag mandu, kag sila ang aton kilalahon nga ginakalimtan naton ang aton kaugalingon.
Indi nila mahangpan ang ginabungat ni Digong bangud ang tagsa ka tinaga nga nagakawas sa iya baba nga pulong nga mahangpan sang mga pumuluyo nga nagapamati sa gwa sang Kongreso, sa mga kilid sang dalan, sa mga merkado, sa mga hilit-hilit kon sa diin nagatumpok ang ordinaryo nga tawo.
Nagpamulong-pulong si Digong kag nagpahayag sang iya mensahe nga mahangpan sang mga pumuluyo, nagareport siya sa mga pumuluyo, kag mas epektibo niya nga nadul-ong ang mensahe sa mga natungdan paagi sa pinasahi nga pamaagi bilang epektibo nga mensahero.
Madamo sang nagayaguta, madamo sang nagahikay, madamo sang nakulangan, madamo sang nagasupak, apang ang tanan reaksyon sang wala sang kaayawan.
Mahimo nga tuhay nga direksyon ang ila ginatulok ukon tuhay nga mga bagay ang ila prayoridad rason nga kabus sa ila talaksan ang ikaduha nga SONA.
Madamo pa sang mga bagay nga dapat buhaton, madamo pa sang mga bagay nga atipanon. Kulang ang isa ka tuig agud masolbar ang tanan nga problema sang pungsod. Pila na ka presidente ang nagpungko, pila na ka tuig ang naglabay, apang ang problema wala pa nasolbar kag ang iban nahatagan lang sang alibyo.
Ang naanad sa spaghetti indi naton mapilit nga magkaon sang pansit. May kaugalingon nga panabor ang kada isa. May mahuyugon sa matam-is kag nagasikway sa mga mapait.
Kadamuan sang mga medisina, mapait gid ang sabor.
Ang mapait nga pahayag ni Presidente Rodrigo Duterte ang kaangay sang bulong./PB
[/av_textblock]
[/av_one_full]
