[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’SA PAMATAN-ON NGA NAGYUHUM’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
Nahangpan ko ang imo katahap —
Ako man, may balatyagon
Para sa imo. (#1342)
Talawan bala ang gugma?
Kon masiri ang balatyagon mo,
Mangisug ka sa akon. (#1343)
Kon mabaskug ang balatyagon —
Kalimti ang katahap,
Ipakigbatu ang ginabatyag. (#1344)
Nagyuhum ka sa akon —
Nagbalus ako, ano pa
Ang ginahulat mo? (#1345)
Kon ako sa imo —
Mapalapit ka sa akon
Kay sumalangun ko ikaw. (#1346)
Ako man, may katahap —
Apang tabuun ko
Ang imo haluk. (#1347)
Tamyawa lang ako —
Kay ako na ang bahala
Sa mga masunud. (#1348)
Kon mangisug ka manamyaw —
Panasun ko ang nabilin mo
Nga mga katahap. (#1349)
Bangud mas bataun ka —
Luyag ko ikaw ang mag-una;
Malaka na ako mangindi. (#1350)
Sa akon edad —
Wala sang manok
Nga nagapangindi sa palay. (#1351)
Sa akon edad —
Luyag ko nga ikaw
Ang igi nga ginatikwang. (#1352)
Sa akon edad —
Luyag ko man nga ako
Ang ginakamang. (#1353)
Apang kon kita na —
Wala sang igi-igi;
Kamangay lang kita. (#1354)
Kon kita na nga duha —
Wala sang palay-palay;
Tusikanay lang kita. (#1355)
Bisan sa una lang —
Luyag ko, gustohun mo ako,
Panginmatyan! (#1356)
[/av_textblock]
[/av_one_full]
