[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Estudyante naghikog sa Kabankalan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay na sang masapwan ang 16-anyos nga estudyante nga naghikog sa Purok Daisy sa nabukid nga barangay sang Tampalon, Syudad sang Kabankalan, Negros Occidental mga alas-tres y medya sang hapon sang Huwebes.
Sunu kay Superintendent Rhea Santos, hepe sang Kabankalan City PNP, ang biktima nga si Jetly Garcia Mayang, nakita nga nagakabit sa puno sang paho sa kagulangan nga bahin.
Sunu sa imbestigasyon sang pulis, mga alas-dos ang takna sang hapon sang amo nga adlaw, ang grupo sang Grade 7 nga mga estudyante nagkadto sa sulod sang lasang agud manguha sang santol kag didto nila nakita ang nagakabit na sa kahoy nga si Mayang.
Pahayag naman sang iloy sang biktima nga si Christy Jean Mayang, mga alas-sais y medya sina nga aga, ginhambalan sini ang anak nga magpangita na lang sang obra, sang sa pirme hampang sang computer games ang obra katulad sang iya abyan.
Mahimu naman nga naglain ang buot sang bata kag ginkutol ang kabuhi paagi sa paghikog, sunu sa pulis.
Ginhingagaw pa ini dala sa Lorenzo Zayco Memorial District Hospital sa amo nga syudad apang ginlawag ni Dr. Kenneth Alerta nga patay na mga alas-5:45 sang hapon./PB
[/av_textblock]
[/av_one_full]
