[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ang Bakunawa’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
Ika-13 kag katapusan nga gua
Nagyuhum si Dulce nga daw gin-itik ang dughan. Tuman kaambong kay Mateo, ang iya Prince Charming, ang iya kabalyero, puno sang katam-is, puno sang kalulo, daw anghel.
Gindahu niya ang kamut ni Mateo kag nagpadulong sila sa tunga sang baylehan.
Gin-uyatan ni Mateo si Dulce nga ato bala nga sia lang ang babaye sa bug-os nga baylehan, sa ibabaw sang isla, sa bilog nga kalibutan.
Pagustuhanay nga ginsabay niya sia, nga daw sila lang nga duha ang nagasaut, nagalutaw sa langitnon nga kalum-ok sang musika. Indi niya luyag nga mauntat ang mga tinion nga ini. Ginhugot niya ang paghakus kay Dulce. Nagbalus man ang babaye.
Dayon, sang hinali, gintikwang sia palayo ni Dulce. Napukaw sia sa iya pagdalamguhanon.
Isa ka balud sang pagkahayanghag ang nagkurit sa nawong ni Dulce. Nagpalanglapsi sia, daw kinilatan, daw indi makaginhawa. Nagatulok sia sa likod ni Mateo, sa isa ka butang nga nagadulot sang kakunyag, nga nagatuga sang kuryente.
Bisan indi sia magbalikid, nahibal-an ni Mateo kon ano yadto.
Amat-amat nga ginsunod ni Mateo ang panulukan ni Dulce. Nakita niya ang isa ka nakaputi nga lalaki nga nagatulok sa iya. Makasililaw ang lalaki nga halos nagabanaag sa puti nga panapton. Ang iya yuhum daw nagsindi kay Dulce Amor nga sang hinali daw nag-igrab nga kalayo.
“Emilio! Emilio, ikaw gid man ina?” siling ni Dulce, haluson nga magkawas ang mga tinaga gikan sa iya baba samtang nagdalagan sia sa lalaki nga naga-uyat sang mga likum sang iya tagipusoon.
Gintulok ni Mateo ang nakaputi nga lalaki samtang ginhalukan sini si Dulce sa agtang. Nahibaluan niya nga nadula sa iya si Dulce Amor. Nagtulo ang iya mga luha, nag-agay sa iya puti nga panapton. Nag-alimpulos ang mga manugsaut sa iya palibot apang daw estatwa si Mateo. Isa lamang ka pares ang iya makita.
Naglumaw-lumaw man sa tuman nga kalipay, samtang ginhalukan niya si Emilio sa guya, mata kag bibig, wala nakita ni Dulce ang mga luha ni Mateo, ukon ang kamut sini nga nagpamaladpad sang paalam.
(Katapusan)
*
Ti, mga pinalangga, kabay nga nahatagan man kamo sang kalipay kag kalingawan sining akon sugilanon. Nahibal-an ko gid nga madamu ang nasubuan kag nanugunan sa loveteam nanday Mateo kag Dulce Amor. Apang indi ko man luyag nga mangin ordinario ini nga sugilanon. Kag indi ko man luyag nga inyo mapakut ang ending.
Huo, medio masubu ang katapusan. Ilabi na kon nahulug ang inyo buot kay Mateo. Apang dumduma man ninyo si Dulce. Sia nangamuyu nga magabalik si Emilio. Indi bala kita dapat malipay para sa iya?
Sa akon pelicula “Gugma sa Panahon sang Bakunawa,” madamu ang naglumawlumaw kag naghibi. May nangakig pa gani nga wala nagdayunay sanday Mateo kag Dulce. Apang subong sini ang kabuhi. Subong sini ang gugma. It’s not fair. Apang amu ina ang nagakatabu. Kag ako, nagasugilanon lang sang mga nagakatabu sa aton palibut.
Pabay-i lang. Magaabut gid ang tion nga ayhan makasulat man ako sang mga sugilanon nga may happy ending. Happy ending sunu sa luyag ninyo. Bangud para sa akon, happy ending ining pagbalik ni Emilio kay Dulce Amor. Hahaha!/PB
[/av_textblock]
[/av_one_full]
