[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI ROBERTO ‘BERT’ LADERA
[/av_heading]
[av_textblock size=” font_color=” color=”]
GINLITSON SANG MANOK
Nagahandum nga mabuligan ang mga pigado nga pumuluyo nga mahatagan sang palangabuhian. Ginduso nga sila ang mahatagan sang saguron nga manok, padakuon, padamuon kag ipalapnag agud nga ang iban nga komunidad mag-ilog kag mag-agom sang angay nga palangabuhian.
Dalayawon ang ini nga tuyo kon wala lang ginasakyan sang mga matakab sa kaban sang gobyerno.
Ginpaidalom sa nagakaigu nga proseso sang pag-bidding ang nasambit nga proyekto. Apang, madamo na ang naigu sa sini nga makatilingala nga proseso kag madamo na ang nagtuluhaw nga indi angay sa sini nga proseso.
Ginasiling nga madamo ang nagpasakop sa bidding apang sa punta sang proseso, ang Foodwealth Agro-Vet Trading lang ang may kumpleto nga papeles agud nga mangin kwalipikado nga mangin tagsuplay sang 17,500 ka manok nga nagabug-at sang 300 gramos.
Nalista na ang mga benepisyaryo nga napilian bangod lunsay mga benepisyaryo man sang 4Ps sang gobyerno kag una nga nahatagan sang 3,500 ka native chicken sa 575 ka benepisyaryo ukon taglima ka manok kada isa sa ila.
Nagkumporme ang mga ginkonsulta kag mga kabahin sa proseso sang bidding bangod ila nakita ang maayo nga katuyoan kag ila gina-antisipar ang maayo nga madangatan sang proyekto nga ipatuman sang City Agriculture Office.
Wala naton ginapakalain ang proyekto sang City Government paagi sa City Agriculture Office nga ginpundohan sang National Anti-Poverty Commission.
Aton ginapukaw ang konsensya sang mga nagpadihot sini tanan. Gikan sa nagakaigu nga proseso tubtob sa wala nagakaigu nga pisu nga ginahatag sa mga benepisyaryo.
Ginapabugal pa ninyo nga nakakinot ang gobyerno bangid nga nakwa lang sa barato nga presyo nga Php 198.50.
Nagasaramihay na ang syudad sa alegasyon sang palapaway sa transaksyon. Natublag na ang alkalde sa madamo nga palaligban nga iya nga ginaatubang apang karon yari naman ang kontrobersiya nga magadugang tus-on sa iya nga abaga.
Tubtub ayhan sila magahimu sang sini nga hiilkuton, tubtob ayhan nila patiyugon sa ila mga palad ang kapalaran sang iban.
Makapila na ka beses nga nabutang sa kontrobersiya ang Foodwealth Agro-Vet Trading apang padayun sa gihapon ang iya pagpasakop sa bidding. Nagapangisog lamang ini kon may yara sang nagapasalig sa iya nga posible kahimbon niya nga nakahibalo sa kon paano magmadinalag-on sa pagpasakop sa bidding.
Paano na lang ayhan kon wala matukiban? Pila ayhan ang mahul-ab sa kaban? Ang ila kadalok indi mapunggan, ang ila kasakon wala sang pasinantuan.
Mas madamol pa ang ila guya kaysa sa balahibo ang manok nga pisu pa kag kabus sa ginasaad nga 300 gramos dapat nga kabug-aton.
Dapat magpanindugan si City Agriculture Office Head Romulo Pangantihon. Indi magpadala sa ila iskema. Tindugi ang angay nga ginasaad sang kasuguan agud nga indi ka malambid sa kalautan.
Dapat nga magpanginpadlos si Pangantihon kag ituad ang matuod agud nga indi sia madalasa sa padihot sang mga sakon.
Dapat nga kanselahon ang kontrata bangod nga wala nagatuman ang nagasuplay kag maathag nga indi kapable sa transaksyon.
Mga tawo nga sutil ang nainitan, ginabalhas, ginabanyahan sang kritisismo, sila ang ginlitson sang manok./PB
[/av_textblock]
[/av_one_full]
