[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni ROBERTO ‘BERT’ LADERA
[/av_heading]
[av_textblock size=” font_color=” color=”]
NAGLIW-AS SA BANAS
Kaangay sang anuman nga hitabu, may mga bagay nga wala ginalauman nga nagaluntad kag nagatuga sang sablag.
Isa lamang ka insidente ang nagluntad sa Iloilo International Airport sang nag-awas sa runway ang Flight 5J 461 sang Cebu Pacific nga may biyahe Manila-Iloilo.
Maayo lamang kag wala sang may nahalitan sa 180 sini ka mga pasahero nga lunsay nagbatyag sang magkatuhay nga eksperyensya kag kabalaka sa natabu sa ila.
Lunsay luwas kag wala sang may nasamaran nga mga pasahero sa nagluntad nga hitabu sadtong Biyernes, Okt. 13, nga ginapatihan sunu sa naandan nga mariit ukon peligroso ang ini nga adlaw.
Indi pa mahibaluan sang lubos ang rason sa pagluntad sang sini nga insidente. Apisar nga may yara sang madamo nga espekulasyon apang kinahanglan ang siyentipiko nga paglantaw sa kon ano ang natabu, kon ano ang kabangdanan kag kon sin-o ang may kapaslawan kon ngaa ang eroplano wala nakahugpa sang matalunsay.
Mahapos maghimu sang mga palupad nga paminsaron sa kon ano ang natabu kag madamo man sang nagaapura nga makwa na sa iya nahamtangan ang eroplano agud nga maghawan kag makahugpa man ang iban pa nga natalana nga maggamit sa runway sang airport.
Malawig ang proseso sa pagtukib sa kon ano ang kabangdanan sa pagluntad sang insidente, sa kon ano ang mga matudlo nga rason kon ngaa natabu ini kag sa paghimu sang balanse kag matuod nga konklusyon angut sa insidente.
Samtang naga-imbestigar ang mga natungdan nga otoridad, samtang wala ginapahulag ang eroplano kag wala ginakwa sa iya nahamtangan, magapabilin nga maapektohan ang iban nga biyahe.
Maapektohan man ang mga pasahero nga makaagom sang daku nga huol, indi lang sa kaangay nga kompaniya sang eroplano kundi lakip man sa iban pa nga mga kompaniya sang eroplano nga nagahugpa diri sa Iloilo.
Apektado na ang madamo nga negosyo sa sulod mismo sang airport bangod wala sang pasahero nga nagalabay kag nagabakal. Apektado ang mga porter nga wala sang kita, apektado man ang mga taxi driver bangod wala sila sang pasahero, lakip man ang iban pa nga sahi sang transportasyon.
Madamo sang nalatnan sa kahul-anan, madamo sang nasakam sa kapierdehan bangod nga wala sang hulag sa airport kag halos nagahuyhoy ang paku sang mga negosyante, sang mga tenant kag sang mga driver sa taxi.
Tubtob nga indi matapos ang imbestigasyon, tubtob nga indi makwa ang eroplano sa iya nahamtangan, tubtob nga nagaungot sa lunang ang eroplano, magapadayun ang matuga sini nga kahul-anan sa mga nagapangabuhi sa airport.
Pila na ka oportunidad ang nauyang kag pila na ka kita ang nawasi sa sini nga hitabu.
Ang aksidente indi malikawan apang ang paghulag nga masolusyonan ang problema nga natuga sang aksidente ang mahimu mapangitaan sang madasig nga paagi ukon solusyon.
Samtang nagadugay, nagalala ang sitwasyon mas nagalaton ang kahul-anan kag mas daku ang balor nga iya matuga sa bisan diin man nga sektor nga maapektuhan.
Dapat nahandaan na nila ang anuman nga posible matabu ukon kaangay sini nga nagliw-as sa iya banas./PB
[/av_textblock]
[/av_one_full]
