[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DALAGA GIN-GANG RAPE ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Arestado ang duha sa tatlo ka mga suspek nga nagbulos-bulos himulos sa 14-anyos nga dalagita sa isa ka barangay sa distrito sang Arevalo diri.
Sunu kay Senior Inspector Mary Grace Borio, hepe sang Arevalo PNP, nadakpan nila tion sang hot pursuit operation sang Sabado ang duha nga ginkilala lang kanday Boy, 17, kag Allan, 24, lunsay taga-distrito sang Arevalo.
Base naman sa alegasyon sang 14-anyos nga si alyas Inday, naglagaw sia upod ang iya abyan nga babaye kag nobyo sini kag tatlo ka mga suspek nga nagpang-edaron sang 17, 18 kag 19-anyos sadtong Oktubre 25 sang gab-i kag naghagaray nga mag-inom-inom.
Sang nahubog, gin-alegar ni Inday nga isa ka out-of-school-youth nga gindala sia sang tatlo ka mga suspek sa isa ka payag kag ginbulos-bulosan sang himulos.
Dugang pa niya nga wala sia dayon ginbuy-an sang mga suspek kag ginhimuslan sia liwat sadtong Oktubre 26 sang gab-i.
Nakapauli lang si Inday sa ila balay sang ginpasugtan na sia sang mga suspek kadungan sang paandam nga indi sia manugid.
Pero nakamutik ang lolo sang biktima nga may malain nga natabu sa iya apo sang nakit-an sini ang itsura ni Inday rason nga iya gin-usisa tubtob nagpanugid ang biktima.
Gilayon man nga nagdangop ang lolo sa Arevalo PNP para magpangayo sang bulig kon sa diin nadakpan sang kapulisan ang duha sa mga suspek.
Samtang ginasulat ini nga balita, si Boy yara na sa kustodiya sang Balay Dalayonan sa La Paz samtang si Allan priso na sa karsel sang Arevalo PNP.
Padayun naman nga at large ang isa pa ka suspek pero nagapakig-angut na ang kapulisan sa pamilya sini para mapasungka./PB
[/av_textblock]
[/av_one_full]