[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Tuesday, November 7, 2017
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
SIN-O INING politiko sa syudad sang Iloilo nga timprano pa nagapamulitika?
Suno sa mga grupo sang bikers sa syudad, nag-host sa isa ka biking event ining politiko. Pero bisan pa biking event ang iya gintambungan, politika sa 2019 na ang iya ginangasal. Imbes nga palakpakan, boooo ang nasumalang.
Amo man ini ang politiko nga luyag magsawsaw sa isyu sang Panay Electric Co. (PECO) nga ginadala na nanday councilors Joshua Alim kag R.Leone Gerochi. Siling sang kilala ko luyag nya kuno mag-intra sa isyu sang PECO bilang paghanda sa 2019 elections.
Hay, ngaa sa pagkatimprano pa politika na ang iya ginapaminsar? Ngaa indi anay maghimo sang mga maayo nga tikang antes manundom sang masunod nga election? Kuntani pamatud-an anay nila nga takos kag angay sila nga liwat botohon ukon sakdagon sa mas mataas nga posisyon.
***
Ang politika sa syudad sang Iloilo sa 2019 sigurado nga mangin masadya. Kun indi mabaliskad ni anay Mayor Jed Patrick Mabilog ang dismissal sa iya, masadya ining palaabuton nga election. Madamo nga mga players ang posible magatilaw sa patag sang pamulitika sa syudad sang Iloilo.
Kun matuuron ni Cong. Jerry Treñas ang iya pahayag nga indi na sia magkandidato sa 2019 sa ano man nga posisyon, masadya gid ang election. Madamo ang mga negosyante nga nagapang-alang-alang magsuporta kay Mayor Jose Espinosa III. Siling nila basta Espinosa, sigurado gid nga Espinosa. Siguro nakuha nyo na kun ano ang ila buot silingon.
Pero kun ako lang ang pahambalon tugotan ta anay si Joe III nga pamatud-an ang iya ikasangkol. Abogado man si Joe III. Nangin propesor sa College of Law. Nangin councilor sang syudad, city legal officer, vice mayor kag karon alkalde na sang syudad. Sa experience niya sigurado may kapasidad sia nga wala pa natun nakita bangud masami maila sia sa media.
***
Kumusta naman ayhan si citizen Jed Patrick Mabilog?
Paano na bala sia kag ang iya pamilya?
Sa pihak sang natapos na nga ginserbe nga dismissal ni Mabilog, mabatyagan naton nga may mga tampad sia sa gihapon nga tagasuporta.
Si Mabilog indi ko personal nga kilala. Nakilala ko lang sia sang gin-assign ako bilang beat reporter sa city hall. Nagpungko sia bilang alkalde sang 2010, amo man ang akun assignment sa city hall nga didto pa anay sa isa ka mall.
Sa makapila ka beses, sa amon mga press conferences sa iya ukon sa ambush interviews, nakaagi man ako nga ginbara nya. May mga pamangkot nga naga-react lang sia indi bilang politiko kundi tunay nga tawo. Pero sang ulihi nakuha ko ang mas matinahuron nga pamaagi sang pagpamangkot, okay naman sia magsabat.
Sa pihak sang isyu sang ilegal nga droga nga ginaangut kay Mabilog, madamo sa gihapon ang nagasuporta sa iya, ilabi na sa mga nakakilala sang lubos sa alkalde kag sa iya pamilya. Ako indi man makasiling nga abswelto sia sa mga isyu. Sigurado kun wala lang sia na-dismiss sa serbisyo, sa 2019 mabug-at sia nga kaengkwentro diri sa syudad sag Iloilo. Kag kun malampuwasan nya ini nga isyu, sigurado ang suporta sang mga Ilonggo ang ara sa iya sa gihapon.
Pero kun indi man sia mabswelto dayun, ang sin-o man nga magadala sang iya ngalan, mahapos padag-on sa election.
Sin-o ayhan ang magapapili nga may ngalan nga Mabilog? Ang utod bala ukon ang asawa?
Bantayan! (jpranco1975@gmail.com/PN)
[/av_textblock]
[/av_one_full]
