[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Acap ginrekomendar magbulos sa bakante sa SP ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Joel Franco
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginrekomendar na sang Liberal Party (LP) si anay city councilor kag karon Executive Assistant Lyndon Acap nga amo ang magabulos sa nabakante nga posisyon sa Sangguniang Panlungsod (SP).
Kasunod ini sang dismissal sa serbisyo ni anay Mayor Jed Patrick Mabilog nga nagresulta sang pagsaka sa puesto ni Vice Mayor Jose Espinosa III bilang alkalde kag konsehal Jeffrey Ganzon bilang vice mayor.
Sa resolusyon nga ginsponsor ni Konsehal RLeone Gerochi, ginsiling sini nga sila na lang ni Acap ang nabilin nga LP sa syudad.
“Ang requirement amo ang proposed resolution. Gusto ko makuha ang pulso sang august body kay ako na man lang Liberal diri sa syudad,” pahayag ni Gerochi.
Pero nagpamalabag si Ganzon kag nagpahayag nga kon mahimu i-deliberate na lamang ang isyu sa una nga semana sang Enero sa masunod nga tuig.
“This is a matter that needs serious think. I recommend that we deliberate it first week of January next year,” siling ni Ganzon.
Subongman ini nga pahayag ginkontra sang minority members nga sanday mga konsehal Plaridel Nava kag Joshua Alim. Panindugan ni Nava nga napagkit sa kasugoan nga dapat magrekomendar ang partido sang nagbakante nga posisyon sang ila ibulos agud i-nominate sang presidente.
Matapos naman ang baylohanay sang panindugan, nagdesisyon ang proponent nga ipaidalom sa voting ang iya resolution nga ginsuportahan man sang tanan.
Bilang reaksyon, ginpahayag man ni Ganzon nga gingamit lang sang mayoriya ang ila numero agud iduso ang resolusyon. Kag gin-aku sini nga sa tanan nga tion dapat sundon ang desisyon sang majority sa isa ka august body.
Samtang, ginkalipay naman ni Acap ang pagrekomendar sa iya kag handum niya nga mauyatan ang committee on police matters, public order and illegal drugs sa tion nga aprubahan ni Duterte ang iya appointment./PB
[/av_textblock]
[/av_one_full]