[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’BODEGA SANG FEED MILL NASUNOG ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nagtuga sang kakugmat sa madamo nga mga tawo ang hinali nga pag-ibwal sang kalayo kag pagtimbuok sang madamol kag maitom nga aso gikan sa nasunog nga bodega sang Pavia Feed Milling Corp. sa Barangay Mali-ao, Pavia, Iloilo kahapon sang hapon.
Nag-umpisa ang pagtimbuok sang madamol nga aso mga alas-3:45 sang hapon kag samtang ginasulat ining balita pasado alas-sais sa gab-i padayun pa ang pagpalong sang kalayo sang mga katapo sang Bureau of Fire Protection (BFP) kag volunteer fire brigades.
Sandig sa interbyu sang Panay Balita sa 20 na ka tuig nga forklift operator sang feed mill nga si Rey Almirante, 38, residente sang Lambunao, Iloilo, manogsugod na kontani ang operasyon sang bodega sang natalupangdan sang ila roving guard nga si Remy Garete ang pag-ibwal sang aso nga ginsundan sang kalayo.
Diri na nga gintinguhaan sang mga trabahador nga palungon ang kalayo pero ginkabos ang ila hose kag nagdamol pa gid ang aso kag nagdaku ang kalayo.
“Kita namon nga may aso nga nag-wa sa atop, amo to nagdalagan kami pakadto to. Tapos ginsugpon-sugpon namon ang hose kaso indi kalab-ot,” panaysayon ni Almirante nga yara gid sa sulod sang bodega sang nagluntad ang sunog.
Sa pagbanta pa sini nga masobra 30,000 ka mga sako sang raw materials kaangay sang mais, soya kag upa ang nagkalasunog.
“Wash out na gid sa sulod kay mga raw materials, mga mais, soya, upa, amo na ang sulod didto,” dugang ni Almirante.
Nahibaluan man sang Panay Balita nga adlaw-adlaw ang operasyon sang feed mill nga nagahimu sang mga produkto sang B-Meg kaangay sang hog grower kag iban pa nga sahi sang feeds nga ginasuplay sa bug-os nga rehiyon 6.
Ginklaro man ni Almirante nga wala sila sang ginagaling nga feeds sa bodega bangod nga separado ang ginagalingan sini.
“Bale dira ang filing sang raw materials tapos kon mag-operate karga sa pallet tapos i-forklift kag dal-on sa may ginagalingan,” dugang pa niya.
Base naman sa interbyu sang Panay Balita sa wala nagpakilala nga gwardiya, gulpi lang sini nakita ang aso sa likod nga porsyon sang bodega rason nga nagtawag sila sang bombero pero dala sang kainit sang panahon kag raw materials nga mga unod sini, madasig nga nagdaku ang kalayo.
Samtang, bangod sang daku nga aso tuga sang sunog, nagpin-ot ang dughan sang duha sa mga nagresponder nga bombero nga si Fire Officer 2 Kenny John Cuevas sang Sta. Barbara Fire Station kag isa ka taga-Pavia Fire Station.
Sa pihak nga bahin, sa pakighinun-anon man sang Panay Balita sa mga residente nga nakasaksi sa sunog, madugay ang pagresponder sang mga fire trucks gikan sa kaiping nga mga banwa rason kon ngaa nagdaku pa gid ang sunog.
Bangod sini, plano ni Mayor Michael Gorriceta sang Pavia nga magpangita sang donor para madugangan pa ang ila duha ka fire trucks.
Nahibaluan nga nagkadto gid si Gorriceta sa lugar sang sunog para personal nga masekyar ang sitwasyon kag daku ang pasalamat sini nga amat-amat man nga nakontrol ang sunog.
Samtang ginasulat ining balita, padayun pa ang pag-imbestigar sang BFP-Pavia kon ano ang gintunaan sang sunog kag kon pila ang balor sang halit sini./PB
[/av_textblock]
[/av_one_full]